BL Cotton Cleopatra MS. A XIV – page 52v
Llyfr Cyfnerth
52v
1
kyn agori y lygeit keinhaỽc cota a| tal. Yn| y
2
growyn dỽy geinhaỽc cota a| tal. Yn| y gyn ̷+
3
llỽst teir keinhaỽc cota a| tal. Pan ellyger
4
yn ryd pedeir keinhaỽc cota a| tal. Costa ̷+
5
ỽc keffoet brenhin bieiffo ny thal namy+
6
yn pedeir keinhaỽc cota. Or byd bugeil ̷+
7
gi eidon taladỽy a| tal. Ac or amheuir y uot
8
uelly ef. tyget y perchennaỽc a chymyda ̷+
9
ỽc uch y drỽs ac arall is y drỽs raculaenu yr
10
yscrybyl y bore a chadỽ y dilyryeit y diwe ̷+
11
dyd. Ki callaỽed or lledir naỽ cam pellach
12
nor drỽs ny thelir. pan talher pedeir
13
ar hugeint a| tal. Nyt oes werth kyfreith
14
ar uitheiat. Pop peth ny bo guerth kyf ̷+
15
reith idaỽ. damdỽg a geffir ymdanaỽ.
16
Pỽy bynhac a|d·defnydyo kylleic bren ̷+
17
hin talhet tri buhyn camlỽrỽ yr| bre ̷+
18
nhin drostaỽ. Deudec golỽyth breinhaỽl
19
a| uyd yndaỽ. Tauaỽt. A thri golỽyth or
20
mynỽgyl. kymhibeu. callon. deu lỽyn.
21
Tumon. Jar. Hytgyllen. Herỽth. Auu.
| « p 52r | p 53r » |