Bodorgan MS. – page 34
Llyfr Cyfnerth
34
1
mynet y losci y ty. Eil yỽ duunaỽ am
2
y llosc. Trydyd yỽ mynet y losci. Petwe+
3
ryd yỽ ymdỽyn y rỽyll. Pymhet yỽ llad
4
y tan. Whechet yỽ keissaỽ dylỽyf. Seithuet
5
yỽ whythu y tan hyny ennynho. ỽythuet
6
yỽ e rodi y tan yr neb a losco ac ef. Naỽuet
7
yỽ edrych ar y llosc gan y odef. y neb a di+
8
watto vn o|r naỽ affeith hyn; rodet lỽ deg
9
wyr a deu vgeint heb gaeth a heb alltut.
10
Kyntaf o naỽ affeith lledrat yỽ syllu
11
tỽyll a cheissaỽ ketymdeith. Eil yỽ
12
duunaỽ am y lledrat. Trydyd yỽ rodi bỽ+
13
yllỽrỽ. Petweryd yỽ ymdỽyn y bỽyt yn| y
14
getymdeithas. Pymhet yỽ rỽygaỽ y
15
buarth neu torri y ty. Whechet yỽ erby+
16
nyaỽ y lledrat. Seithuet yỽ kerdet dyd
17
neu nos gan y lledrat. ỽythuet yỽ kyf+
18
rannu ar lladron. Naỽuet yỽ edrych ar
19
y lledrat. Ae gelu yr gobyr neu y prynu
20
yr gỽerth. Y neb a watto vn o|r affeitheu
21
hyn; rodet lỽ deg wyr a deu vgeint heb
22
gaeth a heb alltut.
23
NAỽ nyn a dygant eu tystolyaeth gan
24
gredu pop vn o·honunt. ỽrth y lỽ ar
| « p 33 | p 35 » |