Oxford Rawlinson MS. B 467 – page 79v
Meddyginiaethau
79v
1
ẏna dot igyt ac ef o alum ac ẏstor. a
2
verdẏgreys a chymysc igẏt a mel a|gỽlẏch
3
glwt. a|chlwm ar ẏ|dolur. a|iach vẏd.
4
Diaỽt ẏ|iachau ẏ|kic drỽc Kẏmer ẏ|bugle a|r se ̷+
5
nicle. a|r afans. ac egrimoẏn. a|r ambros. a|r
6
brastu. a|blodeu y llin. a|chaỽl cochẏon. a|blo+
7
deu ẏr egroes o|bob vn gẏmeint a|ẏ|gilẏd. a|dot
8
igẏt ac|wynt o|r madẏr gẏmeint ac o|r rei e ̷+
9
reill oỻ o wreid ẏ|madẏr. a|berỽ wẏnt meỽn
10
gỽin neu|gỽrỽ da a|dot ẏ|saỽl bỽẏs o|vel ẏ+
11
gyt ac ef a|r|saỽl galỽẏn o ddỽr. ac ẏna berỽ
12
a|gỽedẏ darffo i|verỽi ẏn|dda hidẏl drỽẏ liein
13
a dot i|gadỽ meỽn gỽẏdẏr neu meỽn llestẏr
14
prid. a|gat i|sseuẏll ẏni vo teỽ ac|ẏna dẏro
15
iddaỽ o|ẏ ẏfet ẏ|bore ẏn|oer. a|r nos ẏn|dỽẏm.
16
Meddeginẏaeth ẏ iachau gỽaẏỽ gỽlẏboraỽc
| « p 79r | p 80r » |