NLW MS. Peniarth 38 – page 55v
Llyfr Blegywryd
55v
1
vot yn aghyffredin rỽg y pleideu yn llys kyn ba ̷ ̷+
2
rn. Eil yỽ o|e vot yn gyfrannaỽc ar yr hyn y|bo y
3
dadyl ymdanaỽ pei geillit* y|ennil* trỽy varn. Tr ̷+
4
ydyd yỽ kymryt gobyr am dadyl ar ny bo gosso+
5
dedic o|r braỽtỽr. Ny ellir kymhell dyn eglỽyssic
6
y ỽrtheb y neb o vaes y sened. o|r kameu a|dyỽetter
7
arnaỽ Os gỽr eglỽyssic a gynheil tir trỽy dylyet
8
dan y|brenhin a|berthyno gỽneuthur gỽassanaeth
9
y|r brenhin o·honaỽ ef a dyly gỽrtheb yn llys y brenhin
10
o|r tir a|e berthyneu. kanys y brenhin bieu tir y|teyr ̷ ̷+
11
nas oll. ac ony ỽrtheb yn vfyd o|r tir; y brenhin biei+
12
uyd y tir. kyt gallo gỽr eglỽyssic bot y|myỽn barn
13
o vreint y|tir gyt a lleygyon hyny vo amser y|dat+
14
ganu. ny|dichaỽn datganu barn trỽy gyfreith rỽg
15
pleideu. kanyt oes ỽerth gossodedic yn|y gyfreith|ar
16
y|tauaỽt trỽy yr hỽn y poenir pop braỽtỽr a rodo
17
kamvraỽt. os katarnha trỽy ymỽystlaỽ. Tri ~
18
gỽrtheb yssyd. adef. neu ỽat. neu amdiffyn Nyt
19
cỽbyl vn gỽat hyny talher cỽbyl reith a|berthyno
20
ỽrth y dadyl. ae llỽ vn dyn ae llỽ lliaỽs. lle y|per ̷+
21
thynho reith gỽlat. yno y|dyly y|brenhin kymhell
| « p 55r | p 56r » |