NLW MS. Peniarth 33 – page 145
Llyfr Blegywryd
145
vgeint ẏscỽb o|geirch vn rỽẏm
A|deudec torth o|vara bẏchein.
A|dỽẏ o|vara maỽr peilleit. Ac
onnẏ bẏd gỽenith ẏno. bara rẏ+
nẏon vẏdant. A|chossẏn gẏt a
phob daỽn·bỽẏt a|wnelher o|hoỻ
laeth ẏ|neb a|e talho ẏ|bore. ac
echwẏd. A ffrẏnhaỽn a|breuan
emenẏn. kẏn|tewet a|motuet. A
chẏulet a|r|dysgẏl lettaf ẏnn|ẏ|tẏ
kẏinnaỽc a|telir ẏ|r soẏdogẏon* gẏt
a|phob daỽn·bỽẏt ẏ|gẏaf* a|r gỽa+
nhwẏn. Ẏr haf os ẏn arẏant
ẏ|telir hỽnnỽ deu·naỽ arẏanat*
vẏd ẏ|tal. A cheẏnnaỽc ẏ|r soẏdo*+
gẏon. Sef ẏỽ ẏ rei hẏnnẏ ẏ dae+
retwyr a|gẏnullo ẏ|daỽ hỽnnỽ.
Val hẏnn ẏd|ẏlẏcceir* dadẏl am tir.
E r haỽlỽr bieu dangos ẏ|haỽl
a gwedẏ hẏnnẏ ẏr amdiffẏ+
nnỽr ẏ|amdiffẏn. a|herwẏd hẏnnẏ
dẏlẏant henurẏeit gwlat kẏt·ẏs+
tẏrẏaw ẏn garedic pỽẏ ohonn+
unt ẏssẏd ẏn adef gwir. pỽẏ nẏt
| « p 144 | p 146 » |