LlGC Llsgr. 3035 (Mostyn 116) page 86v

elder. A|drychafel y|ỻoscỽrn a|e vaedu yn noeth. Ac eilweith

sef a wna y kaỽr yny bo kymeredic y|nerth ef a|e gledyf

briỽaỽ y gỽeussoed. Yn|y diwed ef a blygir y|sarff dan

y|ỻoscỽrn Ac o|e gỽenỽyn y byd marỽ Yn ol hỽnnỽ y

daỽ baed tỽtneis Ac o|e greulaỽn lỽybyyr y kywarsagir

y|bobyl. kaer loyỽ a drycheif a|drycheif* ỻeỽ. Yr hỽnn a

aflonyda o amryfaelon ymladeu. Hỽnỽ a|sathyr dan

y|draet Ac o agoredigyon weussoed ef a|e harutha O|r

diwed a|r|teyrnas y kywaetha y|ỻeỽ. a|chefneu y bone+

digyon a|escyn. Odyna y|daỽ tarỽ gỽythlaỽn. ac y|te+

reu y|ỻeỽ ar troet deheu hỽnỽ a|ỽrthlad y ỻeoed dielỽ y

teyrnas. Y gyrn a|tyr muroed ryt ychen. ỻewynaỽc

kaer dubal a dial y|ỻeỽ ac eu treula oỻ a|e danhed Nei+

dyr kaer lincol a damgylchyna y ỻywynaỽc a|e chyndrych+

older y laweryon nadred a tystir o aruthyr whibanat

Odyna yd ymladant y dreigeu. a|r neiỻ a vriỽ y ỻaỻ. Yr

adeinaỽc a gywarsaga yr hon heb daned a|e gỽenỽyne+

dic ewined a|wasc yn|y genoed. Ereiỻ a|daỽ y|r ymlad.

ac araỻ a|lad hỽnỽ. Y pymet a nessa y|r ỻadedigyon. Ac

o amryfael geluydodeu a|e briỽ. Odyna yd yskyn kefyn

vn ygyt a|chledyf. Ac y gỽahana y|pen y ỽrth y gorff. y+

ny bo diodedic y wisc Yd escyn araỻ a|e deheu ac a|e

bỽrỽ y assỽ hỽnỽ a orchyfycca yn noeth. pryt na aỻei dim

yn wiscedic. Y|rei ereiỻ a poena oc eu kefyn Ac yg|cryn+

der y|teyrnas y kymeỻ. Ar hyny y daỽ ỻeỽ dan viglodi

ofynaỽc o|diruaỽr dywalder. Teir pymp ran a|dỽc yn

vn. ac e|hun a ved y bobyl. kaỽr a ethtywynycka* o|liỽ

gỽyn ae bobyl wen ae y blodeua. Tegycheu a|wanhaa

y tywysogyon a|darystegydigyon a symutir yn anife+

ileit mor Yna y|dỽyrhaa ỻeỽ chỽydedic o dynaỽl

NLW MS. 3035 (Mostyn 116) – page 86v