Oxford Jesus College MS. 119 (The Book of the Anchorite of Llanddewi Brefi) – page 49r
Ystoria Lucidar
49r
1
tan ni | a|gỽres an tan ni. vrth
2
lun y|tan ar|y paret. Ar tan hỽnnỽ a|lysc. Ac
3
ny oleuhaa. Yr eil poen yỽ oeruel annyodeiu+
4
yaỽdyr. ac a|dyỽedir am·danaỽ pei byrit my+
5
nyd o dan yndaỽ yd aei yn vn iaen. Am|y dỽy
6
boen hynny y|dyỽedir. yno y|byd wylyaỽ. A
7
chrynnv danned. kannys y|mỽc a|gyffry y|lly+
8
geit y|wylaỽ. Ar oeruel a|beir yr danned gry+
9
nu. Y|tryded boen yỽ. pryfet annvarỽaỽl o
10
seirff a|dreigev aruthyr o olỽc a|chỽibanat.
11
Ac eu byỽyt yn|y flamm megys pyscaỽt ynn
12
nofyaỽ yn|y dỽfuyr. Y petuared poen yỽ dere+
13
want. Aniodeifuyaỽdyr. Ac nyt oes boen a
14
aller y chyffelybu y honno o|drueni. Y|bymet
15
yỽ dyrnnodev y|dieuyl yn kuraỽ megys yrd
16
yn kuraỽ hayarnn. Y|hỽechet boen yỽ. tyw+
17
yllỽch. a geffir lloneit dỽylaỽ ohonaỽ. megys
18
y|dyỽedir. dayar y|tyỽyllỽch yỽ hi. lle nat o+
19
es vn vrdas namyn aruthred tragyỽyd yn|y
20
gyfuannhedu. Seithuet yỽ. kewilyd rac po+
21
ennev. kannys yno y bydant amlỽc y|baỽp
22
oll y|weithret. Ac ny ellir eu kudyaỽ. Yr wy+
23
thuet yỽ. aruthret gỽelet y|dieuyl. Ar|seirff
24
Ar|dreigev. A|chann wrechyon y|tan y|gỽelant
25
ỽy. wyntev ar germein truanhaf gantunt
| « p 48v | p 49v » |