NLW MS. Peniarth 38 – page 63v
Llyfr Blegywryd
63v
1
ỽybot ach ac etryt rỽg kenedyl a|charant y dyn a ofyn ̷ ̷+
2
ho tir trỽy ach ac etryt yn naỽuetyd mei neu racuyrr.
3
Trydyd yỽ pan ỽeler pentanvaen tat y|dyn a ofyn ̷ ̷+
4
ho tir neu y|hentat. neu y|orhentat. neu ereill o|e gene+
5
dyl. neu le adeil. neu tir ar y|ryeni. y|rei hynny a safant
6
yn lle tyston y|dyn ar y|dylyet. Tri|thorllỽyth yssyd
7
vnwerth ac eu mam nac vn a|vo na lliaỽs o|r dygir
8
ledrat. torllỽyth gellast. a|thorllỽyth hỽch ar y thyle.
9
a nyth hebaỽc. Tri llydyn vnỽerth yn|y genuein pop
10
amser. baed kenuein. ac arbenhic y|moch. a|hỽch a|gat+
11
ỽer y|ghyfeir gỽestua yr arglỽyd. Tri pheth a geidỽ
12
cof. ac a|seif yn lle tyston. y|dyn ar y|dylyet o tir. lle hen
13
odyn. neu pentanuaen. neu eskynuaen. ~ ~ ~ ~ ~ ~
14
T ri ryỽ ỽybydyeit yssyd am tir. vn yỽ henadur+
15
yeit gỽlat y|ỽybot ach ac etryt. y|dỽyn dyn ar
16
y|dylyet o tir a dayar gereint. Eil yỽ amhinogyon
17
tir nyt amgen gỽr o pop rantir o|r tref y|ỽybot ran ̷ ̷+
18
neu. a|ffinyeu rỽg y|ỽelygord. Trydyd yỽ meiri. a|ch+
19
yghelloryon. a righylleit y|gadỽ teruyneu y|kym+
20
mydeu. kanys brenhin bieu y teruyneu hynny T ̷+
21
ri dyny telir gỽeli tafaỽt vdunt. y|r brenhin pan
22
dyỽetter geir hagyr ỽrthaỽ. ac y|r braỽtỽr pan ym+
23
ỽystler ac ef am y iaỽn vraỽt. ac y offeirat yn|y e ̷+
| « p 63r | p 64r » |