NLW MS. Peniarth 36B – page 42
Llyfr Blegywryd
42
gan tygu e|hunan ar ved y kyn ̷+
nogyn. Ac yna y teir ach nessaf
yr talaỽdyr a|talant y dylyet.
onyt enwis y|kynnogyn gynnin
dros y dylyt. Kyn dycco mach
y vechniaeth yn erbyn llỽ y ar ̷+
glỽyd ny chyll yr hynny na di ̷+
rỽy na chamlỽrỽ o gyfreith. Ny
dyly neb rodi alltut yn vach. na
neb or a uo kadarnach noc ef. na
manach heb ganhat y abat. nac
yscolheic yscol heb ganhat y athro.
na gỽreic onyt arglỽydes y|talaỽ ̷+
dyr. na mab heb ganhat y tat
tra dylyo vot drostaỽ. kyt el y|rei
hynny veicheu. ny dylyeir kymhell
mechni neb o·honunt. Tri lle yd
ymdiueitha mach kyfadef am
dylyet aghyfadef; vn yỽ o|diwat
| « p 41 | p 43 » |