NLW MS. Peniarth 11 – page 31v
Ystoriau Saint Greal
31v
1
ediueryaỽc am y vuched a|dugassei o|r blaen. kanys gỽydyat
2
pei|atuei marw yn|y kyflỽr hỽnnỽ y coỻei y eneit. a|r corff he+
3
vyt agatuyd a vydei drỽc y gyweirdeb. Ac yma y|mae yr ym ̷+
4
didan yn|tewi amdanaỽ ef ac yn|traethu y|ỽrth bereduR.
5
E R* ymadraỽd yssyd yn|dywedut pan aeth peredur y
6
ỽrth laỽnslot. ef a ymchoelaỽd drachevyn yny doeth
7
hyt yn|ty yr anckres. yn|y ỻe yr oed yn|tybyeit y kaffei gyfar+
8
wydyt y ỽrth y marchaỽc a|dianghyssei y ganthunt. a|phan
9
doeth ef yno ef a draỽaỽd y|ffenestyr. a|r anckres yna a
10
agores y|ffenestyr idaỽ. ac a|ovynnaỽd pỽy oed. Ac ynteu
11
a|dywaỽt mae o|lys arthur yr hanoed ac y dathoed. ac ef
12
a|m gelwir peredur gymro. A|phan|gigleu hitheu y henỽ ef
13
hi a|vu law·en ỽrthaỽ. kanys hi a|e carei yn vaỽr a hi a|e dy+
14
lyei megys kyt bei modryb idaỽ. Ac yna galỽ a|wnaeth hi ar
15
y|tylwyth a|odynt* y myỽn. ac erchi udunt agori y|r marcha+
16
ỽc a|oed aỻan. ac erchi udunt wassanaethu yn|diwaỻ arnaỽ.
17
ac ueỻy y gỽnaethant ỽyntheu. A gwedy y|diarchenu ef a
18
gwassanaethu arnaỽ. ef a|ovynnaỽd a|aỻei ef gael ymdidan
19
a|r anckres y nos honno. Na eỻy heno heb ỽynt hyt avory
20
gỽedy offeren. A thrannoeth gwedy offeren ef a|doeth att
21
yr angkres. ac a|gyfarchaỽd gweỻ idi. ac a|dywaỽt. Arglwy+
22
des heb ef a|dywedy di y mi yr duỽ chwedyl am y marchaỽc
23
a|aeth fford yman doe. Ac yna yr anckres a|ovynnaỽd y pe+
24
redur paham yd|oed ef yn|y|amovyn. O achaỽs heb ynteu
25
na|bydaf hyfryt vyth yny wypỽyf pa le y bo. ac yny ymladỽ ̷+
26
yf ac ef. kanys ef a|wnaeth ymi kymeint o gewilyd ac na
| « p 31r | p 32r » |