Oxford Jesus College MS. 57 – page 107
Llyfr Blegywryd
107
1
O s keitwat a|gyỻ adneu heb goỻi y da e
2
hun. ỻyuyr kyfreith a dyweit bot yn
3
haỽs y gredu ef o|r dygir y da ef yn ỻedrat ygyt
4
a|r ỻaỻ. a|gỽelet y torr ar y|ty. Ef a|dyly ha+
5
gen tyngu a dynyon y ty ganthaỽ y vot yn
6
iach o|r da hỽnnỽ. O|r cledir y daear hagen y+
7
dan y|ty gỽedy gỽnel ef yng|kyfreith y vot yn
8
iach. brenhin y daear. ac ny dyly y keitwat vot
9
drosti. O|r dỽc dyn da att geitwat y gadỽ. a cho+
10
ỻi peth o|r da. a|bot ymdaeru rỽng y perchen+
11
naỽc a|r keitwat am y|da. y keitwat bieu tyng+
12
u. a|r vn dyn nessaf idaỽ gyt ac ef. os peth a
13
watta a pheth a|adef. O|r gỽatta neb adneu
14
a rodo dyn y gadỽ yn|y laỽ. neu torr ty. rodet
15
reith deudyblic. megys y mae am veich ke+
16
vyn. neu pỽnn march. Teruynedic yỽ. o
17
bỽnn march. o adneu. ỻỽ pedwar|gỽyr ar|huge+
18
int. am veich kevyn ỻỽ dengwyr. Y taeogeu
19
a|dylyant iaỽnhau a|wnel eu meibyon yny
| « p 106 | p 108 » |