Cardiff MS. 1.362 (Hafod 1) – page 68v
Brut y Brenhinoedd
68v
yd erchis keissaỽ merdin. kans yno yr dothoed vrth
wneuthur pop peth o|r a uei reit yn yr ymladeu hyn+
ny. trỽy y gyghor ef. A gỽedy y dyuot hyt rac bron
vthur. erchi a wnaethpỽyt idaỽ venegi beth a arỽ+
ydoccaei y seren honno. Ac ar hynny sef a|wnaeth
myrdin ỽylaỽ yn drut. Ac eissoes galỽ y yspryt at+
taỽ. A dywedut yr ymadraỽd hỽn. O gollet heb
allu y ennill. o wedỽ genedyl y bryttanyeit o acha+
ỽs maỽolyaeth* emrys wledic an brenhin ni. Ac
yn|y varỽolyaeth ef y daruydỽn ni oll. Pei na ro+
dei duỽ nerth yn o fford arall. Ac ỽrth hynny tywys+
saỽc bonhedic bryssya dithyeu. Ac yn diannot ymlad
a|th elynyon. kans y|th laỽ y mae y vudugolyaeth.
A thi vyt brenhin ar holl ynys prydein Kans ti a arỽ+
ydoccaa y seren ar dreic tanaỽl y dan y seren. Ar pa+
ladyr a wely yn estynnu dros ffreinc. A arỽydoccaa mab
kyuoethaỽc a vyd y titheu. Ar holl teyrnassoed a am+
diffyn ac a vyd idaỽ. Ar paladyr arall a arỽydoccaa
merch a uyd itt. A meibon honno a|e hỽyryon a vyd
vdunt yr ynys ol y* ol. Ac eissoes kyt bei petrus gan
vthur beth ar y|dywedassei vyrdin a|e gỽir a|e kelỽyd.
Sef a|wnaeth kyrchu y elynyon megys y darparassei.
Kans ef a dothoed yn gynesset y vynyỽ. Ac nat oed
y·rydaỽ a hi namyn ymdeith hanher vn diwar+
naỽt. A gỽedy clybot o pascen a gillamỽri bot v+
thyr yn dyuot parth ac attunt. Sef a|wnaethant
ỽynteu dyuot yn erbyn vthyr ỽrth ymlad ac ef.
A gỽedy bydinaỽ onadunt. a dechreu ymlad o·na+
dunt. y llas o pop parth megys y mae gnaỽt y+
| « p 68r | p 69r » |