Cardiff MS. 1.362 (Hafod 1) – page 67r
Brut y Brenhinoedd
67r
kymellỽyt pascen ar ffo ynteu ny lauuri*+
ys ef yna kyrchu germania. namyn trossi
y hỽyleu a chychu* tu ac iwerdon. Ac yna y erbyn+
nỽys Gillamỽri ef yn enrededus. A gỽedy datganu
y trueni o·honaỽ. Truanhau a oruc gillamỽri ỽrth+
aỽ. Ac adaỽ nerth idaỽ. A chỽynaỽ ỽrthaỽ ynteu
y serhahet* a gaỽssei ynteu gan ỽthyr pen dragon.
Pan doeth y gyrchu cor y kewri y treis y arnaỽ.
Ac ỽrth hynny ym·aruoll a wnaethant ar dyuot
ygyt ynys prydein y geissaỽ y gorescyn ar tor
ymrys wledic. A gỽedy bot eu llogeu yn paraỽt.
kychỽyn a wnaethant parth ac ynys prydein. A
dyuot y vynyỽ y tir. A phan gigleu emreis hyn+
ny. Sef a wnaeth anuon vthyr pendragon ac
amylder o wyr aruaỽc hyt yg kymry ỽrth
ymlad ac ỽynt. Kans kleuychu a|ỽnathoed
emreis o ỽrthrỽm gleuyt. Mal na allei dyuot
yr llud. A phan gigleu y gelynyon hynny lla+
wenhau a wnaethant yn vaỽr o tebygu bot
yn haỽd vdunt gorescyn yr ynys o|r achaỽs
hỽnnỽ. A hyt tra yttoed y godỽrd hỽnnỽ ar
murmur yn|y llu dynessau a oruc o|r saesson
a ewit* eoppa ar pascen vab gỽrtheyrn. A dy+
wedut ỽthaỽ* val hyn. Py veint o da heb ef
a rodut ti yr neb a lathei emreis. Ac y|dywa+
ỽt pascen ỽrth eoppa. Dioer heb ef. pei kaffỽn
i dyn a allei wneuthur a dywedy ti. mi a rod+
dỽn idaỽ teir mil o punne aryant. Am kary+
at tra vydỽn vyỽ a gaffei. A* y gyt a hynny
| « p 66v | p 67v » |