NLW MS. Peniarth 32 (Y Llyfr Teg) – page 23
Llyfr Iorwerth
23
1
hyt y ỻe araỻ y bo y brenhin yndaỽ. Ef a|dyly diỻ+
2
at y bard teulu yn|y teir|gỽyl arbenhic. y letty
3
yỽ ygyt a|r porthaỽr. Ef a|dyly bỽyta y·gyt a|r
4
sỽydwyr. Ef a|dyly adnabot sỽydogyon y ỻys oỻ.
5
ac nat attalyo yr vn onadunt yn|y porth. ac os
6
etteil; talet gamlỽrỽ y|r brenhin. ac os vn o|r penn
7
sỽydogyon vyd; talet y wynebwerth idaỽ. Os
8
vn o|r ỻeiỻ vyd; pedeir keinyaỽc. kyfreith. Y naỽd yỽ
9
dỽyn y dyn a|wnel y cam hyt ar y porthaỽr.
10
ac ynteu a dyly y gadỽ ef yny del y penteulu
11
y|r porth. ac yna y oỻỽng ganthaỽ. ac ynteu
12
hyt yn|diogel. Ef a dyly corneit o lynn y|gan
13
y distein. a|seic yn|y ankỽyn. Ef a|dyly rydhau
14
ford y|r brenhin. a|e vyrỻysc. a pha vn bynhac a|dra+
15
ỽho ef y ar y ford a|e vyrỻysc. kyt gouynho iaỽn
16
idaỽ ny dyly caffel dim. Ef a|dyly gỽedy darffo
17
bỽyta gyrru o|r neuad a vo iaỽn y yrru. Ef
18
a|dyly ygyt a|r sỽydogyon ran o aryant y gỽy+
19
nos. Ny dyly eisted yn|y neuad. namyn ar dal
20
y deulin gỽneuthur negesseu ỽrth y brenhin. Y
21
werth a|e sarhaet megys y ỻeiỻ.
22
P Ymthecuet yỽ y coc. Ef a|dyly y dir yn ryd.
23
a|e varch. a|e wisc. Ef a|dyly kyuanhedu y
24
gegin. ac ynteu a|dyly kaffel y gyfreideu y gan
25
y distein. a maer bissweil. Ef a|dyly crỽyn y man
26
yscrybyl oỻ a|del y|r gegin ac eu crỽyn arnadunt.
| « p 22 | p 24 » |