NLW MS. Peniarth 15 – page 114
Ystoria Lucidar
114
1
tev byth y|golli Ac wrth hẏnnẏ ny|s collant O gyfvlawn lewenẏd y|seint
2
llewenẏd dẏn a|dẏckit o|e grogwẏd a|e wnevthvr yna yn vrenhin Tristit
3
vydei hynny gantvnt wy Discipulus Pa ryw lewenyd a|gogonnẏant a gant wy
4
ac wynt yn caffel mynet yn llewenẏd ẏr arglwyd Magister. Owi a|dvw o|r
5
llewenẏd a|gaffant wy pann welont y|tat yn|y mab a|r geir ẏn|ẏ tat a|r
6
caryat yn|yr yspryt glan ymhop vn ohonvnt wyneb yn wyneb yn di+
7
bryder byth llewenyd a|gaffant o|getẏmeithas yr holl seint Ac o|gyfedach
8
yr holl seint Ac o|daeoni ẏr arglwyd o|vewn Ac odieithẏr y|arnvnt ac yda+
9
nvnt Ac ẏn|ẏ|kẏlch ac o|bop|parth vdvnt a|gwelet ev kẏtẏmeithon yn amẏl
10
vdvnt pob rẏw digrivwch a|drẏthẏllwch a|hwnnw yw y|kyfvlawn
11
lewenyd a hẏnnẏ yw dogẏn o|bop da heb neb·ryw eissev. Discipulus. Ti a|m lle+
12
nnweist. i. o|lewenẏd yn ymtynnwẏt hayach y|arffet y|nef A|gwelet
13
wyneb yr arglwyd yn|ẏr wybyr Ac wrth hẏnnẏ llawen wyf am dẏ a+
14
madrodẏon megys y neb a|gaffei yspeil llawer. Magister. Am ẏ poenyev wrth
15
hẏnnẏ y|keiff y|rei ẏssẏd gyvveillon yn|detwẏd y|dvw tragywẏdawl o+
16
gonnẏant yn|ẏr arglwyd vellẏ. ẏ|gwrthwẏneb y hẏnnẏ y|keiff ẏ|direi+
17
don a|e trvein elẏnnẏon ef poenẏev tragywyd a megys y|golevheir
18
y|rei hynn o|r tegwch mwyhaf vellẏ y|byd dybrẏt y rei ereill o|r arv+
19
thred mwyhaf A|megẏs y|bẏd ysgawn y|rei hynn o|r weithret orvchaf.
20
vellẏ ẏ|bẏd gorthrwm y rei ereill o|r llesged mwyhaf a|megẏs y|byd
21
kadarn y|rei hynn o|r nerth pennaf vellẏ y byd eidyl y|rei ereill o|r
22
gwannder mwyhaf a|megys y|keiff y|rei hynn ehang rẏdit vellẏ
23
y keiff y lleill kyvyg geithiwet A megẏs y keiff y|rei hẏnn drẏthyll+
24
wch o|dirvawr ewyllys velly y|keiff y lleill chwerwed o|dirvawr drv+
25
eni A megẏs y|grymhaa y|rei hynn o|arderchawc iechẏt. vellẏ y|diffẏ+
26
ccya ẏ lleill o|gleuyt a|gwannder a|megẏs ẏ byd bvdvgawl a|llawen y|rei
27
hynn o|wynnvydedic vywẏt vellẏ y|kwynnyant y|rei ereill oc o|e do+
28
lvryvs hirhoedli A megys y|byd eglvr y|rei hẏnn o|echdẏẏc wynnedi*+
29
grwẏd doethineb vellẏ y|byd tywyll y|lleill o|arvthred yn·vytdrwyd
30
kannys beth bynnac a|wdant Ac achwannec o|ẏn·vydrwyd a|dolvr a|thr+
31
veni y|gwẏbydant a|megys y|kẏssyllta melys gethymeithas* y|rei hyn
32
velly y|poennẏa chwerw elynnyaeth y|lleill a|megys y|mae kytdvndeb y+
33
rwng y|rei hynn e|hvn. Ac yrygtvnt a|phob creadvr vellẏ y|byd anes+
34
gymot y·rwng y|rei hynny e|hvnein. Ac agkytvvndep yrygtvnt a|phob
35
creadvr a megys ẏ|dẏrchevir y|rei hẏn o|orvchel aallv velle y|gostyngir
36
y|lleill o|r an·allv mwyhaf a|megys y|dẏrchevir y|rei hynn o|r anry+
37
ded mwyhaf velly y gostyngir y lleill o|r amarch mwyhaf A megys
38
y|llawennhaa y|rei hynn o|r arderchawc dibrẏderwch velly yd ergry+
| « p 113 | p 115 » |