Oxford Jesus College MS. 57 – page 267
Llyfr Blegywryd
267
1
reit ỽrth na eỻir eu|herlit y|eu|hamlysseu*.
2
deruyd bot arysson* rỽng deudyn y geissaỽ
3
creireu y damdỽng. kyfreith a|dyweit panyỽ
4
y|neb bieu ỻithyaỽ y ỻỽ bieu eu keissyaỽ. ka+
5
nys y creir a|dewisso ef a|dyly bot yno. O|der ̷+
6
uyd y|dyn bot creireu arnaỽ ac arueu yn|y
7
laỽ. a|cheissyaỽ aruot ac ỽynt. ny dyly naỽd
8
y|r|creir o hynny allan. kan ny|s haedaỽd. ac
9
os y creir a|dewis ynteu gỽahaner y arueu
10
ac ef. a chattwer y arueu yn|y ỻe ny|s
11
coỻo. Pỽy bynnac a|vynno na diỽycco
12
y gyflauan a|wneler a|e arueu. dodet ỽ+
13
ynt yn ỻe ky hoedaỽc. a rodet naỽd duỽ
14
a naỽd yr arglỽ·yd arnadunt. ac ony|s ryd diỽ ̷+
15
yget. O deruyd bot deu·dyn yn kytgerdet. a
16
chaffel dyuot o|r|blaenaf. rannet a|r olaf. os
17
yr olaf a|e keiff. ny dyly y blaenaf dim. kan+
18
ys ym·edewis ac ef. O|deruyd bot dyn a|dylyo
19
gỽiraỽt kyfreithaỽl. ac na mynno namyn y
20
messur kyfreithaỽl. sef yỽ meint y ỻestyr. ky+
21
hyt a chy·gỽn ewin hir·uys. Ny dyly neb talu
| « p 266 | p 268 » |