Oxford Jesus College MS. 119 (The Book of the Anchorite of Llanddewi Brefi) – page 91v
Ymborth yr Enaid
91v
1
a|e medylyeu drỽy ymrodi y ofuynhav duỽ me+
2
gys y|gallont varnnv yn gyfyaỽn ar ereill ac
3
y gallo duỽ arglỽyd drỽydunt wy amgenu
4
gỽeithredoed eu kytvrodyr. Arglỽydiaetheu
5
yỽ y|rei a|ragoro rac y|tywyssogaetheu ar ner+
6
thoed. A chyt ac wynt y kyfleheir dynyon gle+
7
inyon a|orchyuyckont o|e gleindyt a|e eidrỽ+
8
yd yr holl wydyeu. a|holl gnaỽdolyon eidunedev.
9
Nerthoed nefolyon yỽ neb rei rinỽedeu. neu
10
ỽrthyeu ryuedolyon a|wnel lluossogrỽyd egyly+
11
onn yn|y byt yma. Ac ygyt ac ỽynt y kynnỽyssir
12
dynyon a|wnelont ỽyrthyeu a|ryuedodeu ac ar+
13
wydon rinỽedeu. Cherubyn yỽ vchelyon vedyan+
14
neu ar|yr egylyonn. ac engylolyon wyrthyeu.
15
nev rinỽedeu y|gỽelir. ac y|gyfyeithir yn lluosso+
16
grỽyd gỽybodeu. neu yn amylder keluydodeu.
17
Ac ygyt ac ỽynt y kynnỽyssir dynyon a|vont
18
gyfulaỽnyon o|nefolyon wybodeu. Ac ysprydoly+
19
on geluydodeu vrth adnabot y|drindaỽt o|nef.
20
Seraphin yỽ. lluossogrỽyd neu amylder sercha+
21
ỽl garyat ar duỽ yn|ragorus rac holl radeu yr
22
egylyon. Ac a|gyfyeithir yn dan ennynnv. ka+
23
nys y·rygtunt a|duỽ nyt oes engylrad arall.
24
kannys at vo nessaf y|rad y|duỽ mỽyhaf yỽ go+
25
leuni flemychaỽl|dan. karyat|yndi. Ac yno y
| « p 91r | p 92r » |