Cardiff MS. 1.363 (Hafod 2) – page 151r
Brut y Brenhinoedd
151r
1
en e lle mynet a gwnaeth en ol arthỽr partha*
2
a|chaer alclỽt er honn ar ry daroed y arthỽr yr
3
rydhaỽ y gan y ffychtyeyt ar escotyeyt. Ac
4
odyna kyrchavd arthvr a|e lw hyt e mwreyf
5
e wlat o enw arall a elwyr reget. ac eno gwar+
6
chayaỽd ef yr yscotyeyt ar pyctyeyt. er rey
7
teyr gweyth kyn no henny a ymladessynt en
8
arthỽr a|e ney. A gwedy dyỽot er
9
rey henny hyt e wlat honno ar ffo. wynt oll a ath+
10
ant hyt en llynn llwmonyw. a chymryt er enyss+
11
ed a oedynt en e llynn en kedernyt ỽdỽnt. kanys
12
try ỽgeynt enys oed en e llynn. a thry ỽgeynt ka+
13
rrec. a nyth eryr ym pob karrec. ar rey henny p+
14
ob dyw kalanmey a deỽynt y gyt. ac ar e lleys a ke+
15
nynt ena dynyon e wlat honno a etnebydynt e da*+
16
wennyew a delhynt en e wlwydyn rac wynep.
17
Ac y gyt a henny try ỽgeynt aỽon ar redynt yr llynn
18
ac ny redey o·honaỽ namyn ỽn aỽon yr mor. Ac yr
19
enyssed henny e ffoessynt e gelynyon y keyssyaỽ dy+
20
ogelỽch o kedernyt e llynn. ac ny dygrynnoes ỽ+
21
dỽnt namyn echydyc. kanys kynnỽllaỽ llongheỽ
22
a gwnaeth arthỽr a chylchynỽ er avonoed ar llynn
| « p 150v | p 151v » |