Cardiff MS. 1.362 (Hafod 1) – page 23r
Brut y Brenhinoedd
23r
andryỽ. A phob vn o|r rei hynny a deuth yn ol y
gilyd. Ac yn ol y rei hynny y doeth vryen. Ac
yn ol vryen. y doeth eluyd. Ac yn ol eluyd y doeth clydaỽ.
Ac yn o* clyaỽ y doeth clydno. Ac yn ol clydno y doeth
y* doeth* gorỽst. Ac yn ol gorỽst. y doeth. Meiryaỽn. ac
yn ol meiryaỽn. y doeth. bleidut. Ac yn ol bleidut
y doeth caph. Ac yn ol caph. y doeth ewein. Ac yn ol ewein
y doeth seissyll. Ac yn ol seissyll y doeth. blegywryt. Ac ny
bu yn yr oessoed kantor kystal ac ef. Ac rac dahet y
kanei y gelwit duỽ y gỽaryeu. Ac yn ol blegywryt.
y doeth arthmael y vraỽt. Ac yn ol arthmael y doeth
Eidol. Ac yn ol Eidol y doeth. Rydyon. Ac yn ol Ry+
dyon y doeth Ryderch. Ac yn ol Ryderch y doeth. sawyl
pen vchel. Ac yn ol sawyl y doeth Pyrr. Ac yn
ol pyrr y doeth capoir. Ac yn ol capoir. y doeth. Mano+
gan y vab. Ac yn ol mangan. y doeth beli maỽr
y vab ynteu. A deu vgeint mlyned y vrenhin
yn ynys. prydein. Ac y veli y bu tri meib. lud a
chaswallon. A nynnyaỽ. A gỽedy marỽ beli ma+
ỽr. y gỽnaethpỽyt llud y vab yn vrenhin. y
gỽr a vu gỽdy* hynny. gogonedus adeilaỽdyr ka+
eroed a dinassoed. hvnnỽ a attnewydỽys mury+
oed llundein a|e tyreu. A chyt bei llawer idav
o dinassoed. hỽnnỽ eissoes a garei ef yn vỽy no|r
vn. Ac vrth hynny y gelwit hi kaer lud.
A gỽedy hynny y gelwit ef yn llundein gan
lygru y henv. A phan vu varỽ llud. y cladỽ+
yt yn llundein. geir llaỽ y porth a elwir et+
wa o|e enỽ ef porth llud yn gymraec. Ac
| « p 22v | p 23v » |