BL Additional MS. 19,709 – page 62r
Brut y Brenhinoedd
62r
1
ef pỽy a|aỻei rodi kygor itti. kanyt oes neb kyfryỽ rẏn
2
nac ansaỽd y gaỻem ni vẏnet yg·hyfyl casteỻ dinda+
3
gol. kanys yn|y|mor y|mae gossodedic. ac yn gaedic yn|y
4
gylch o|r mor. ac nat oes vn ford ẏ gaỻer mynet idaỽ na+
5
mẏn vn garret* gyfyg a honno try·wyr aruavc a eỻynt
6
y chadỽ kyt delei teyrnas prydein. ygyt a|thi. ac eissoes pei
7
myrdin vard a|wnelei y aỻu ẏ·gẏt a|thi yn graf yg ky+
8
lch hynny. mi a|tebygvn drỽy y|gyghor ef. y gaỻut ti
9
arueru o|th damunet ac o|th ewyỻus. a|chredu a oruc
10
y brenhin y hynny. a|dyfynnu myrdin attaỽ. kanẏs yn|y
11
ỻu yd oed. a gvedy dyuot myrdin rac y vron; ef|a|erchis
12
idaỽ rodi kygor idaỽ trỽẏ yr hvn y gaỻei gaffel Eigyr
13
vrth y gyghor. a gỽedy gỽybot ohonaỽ meint y gofeile+
14
int a|r pryder a|oed ar y|brenhin am eigyr; dolurẏaỽ
15
a|oruc myrdin rac meint karyat y brenhin ar eigyr
16
a|dywedut val hyn. O mẏnnẏ ti gaffel dy ewyỻus ỽrth
17
dy gyghor. reit yỽ it arueru o geluydodeu newyd a|r
18
ny chlỽysp˄wẏd eiroet y|th oes ti. kanys mi a|ỽn o vedeginya+
19
etheu rodi itti drych ac ansaỽd gỽrlois hyt na bo neb
20
a ỽypo na bo ti uo gỽrlois. ac ỽrth hynny o|myny dith+
21
eu ufydhau y hẏnnẏ minheu a|th wnaf ti yn|y drych
22
a|r wed y|mae gỽrlois. ac vlpin yn rith Jỽrdan o tinda+
23
gol a|minheu yn drydyd gyt a|chwi a gymeraf y|trydẏd
24
furyf ac veỻy yn diogel y|geỻy vynet y|r kasteỻ y|mae
25
Eigẏr yndaỽ. ac ufydhau a|oruc y brenhin o|e hoỻ dihe+
26
wyt y hynny. ac o|r diwed gorchymyn y lu a oruc ẏ|teu+
27
lu. ac ymrodi y vedeginyaetheu myrdin a|e symudaỽ
| « p 61v | p 62v » |