NLW MS. Peniarth 33 – page 52
Llyfr Blegywryd
52
1
vn ẏỽ; galanas heb ẏmdifuỽyn. Eil
2
ẏỽ; o|vot dadẏl am|tir ẏr rẏdunt* heb
3
ẏ theruẏnu; Trẏdẏd ẏỽ; kamaruer
4
o|vn o|wreic ẏ|llall. Os eu llẏssu a|ellir
5
palledic ỽẏdant; Onnẏ eỻir; tẏston
6
diball vydant Tẏston a|ellir ẏ
7
gỽrthneu pan dechreuhont eu tẏstolẏaeth
8
oc eu seuẏll. megẏs na bo reit eu llyssu.
9
Ac vellẏ gỽẏbẏdẏeit. nẏt amgen. no|th+
10
rỽẏ obẏr. neu trỽẏ eu|bot ẏn gẏfrannaỽc
11
ar ẏr hẏnn ẏ|bo ẏ|dadẏl ẏmdanaỽ. neu ̷
12
o|torri ffẏd ẏn gẏfadef. neu o anudon kẏ+
13
hoedaỽc. neu lletrat kẏfadef. neu o|vot
14
ẏnn|ẏsgẏmun geir ẏ|enỽ; O|r gellir proui
15
hẏnnẏ trỽẏ wlat. eu gỽrthneu a|ffẏnna
16
Yg|kẏfureith rufein ẏ|keffir; y|lle nyt en+
17
wher rif tẏston. digaỽn ẏỽ deu|tẏst. Y|gẏ+
18
freith honn a|dẏweit; nat cỽbẏl tẏstolẏaeth
19
vn tẏst. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
20
N Aỽ dẏnẏon a|gredir pob vn ẏn dỽẏn
21
tẏstolẏaeth gan tẏghu. kyntaf ẏỽ
22
arglỽẏd ẏrỽg ẏ|deuwr trỽẏ|na bo ef ẏn|gẏ+
23
furannaỽc ar ẏ|dadẏl. neu ar ẏr hẏnn
24
ẏ|bo ẏmdanaỽ. ac adef o|r gwẏr rẏ|uot
| « p 51 | p 53 » |