NLW MS. Peniarth 32 (Y Llyfr Teg) – page 123
Llyfr Iorwerth
123
1
eneit·uadeu ef. ony|eiỻ talu deholer. ual ỻei+
2
dyr. Pỽy bynnac a|deholer o vraỽt kyfreith. a|e
3
gaffel yn|y wlat tros yr|oet a|rodher idaỽ;
4
bit eneit·uadeu ony cheiff a|e prynho. kanny ̷
5
dyly ef y wlat yn oes yr arglỽyd a|e deholo.
6
o·nyt gan dygymot ac ef. Pỽy bynhac a
7
gaffer ol ỻedrat yn|dyuot hyt y to; ac na
8
aỻo y hebrỽg y ỽrthaỽ; bit anreith odef. ac
9
ony byd anreith idaỽ; deholer. Pỽy bynnac
10
a gaffer ỻedrat yn|y ty. neu yn|y dible gan vot
11
y gyuanhed yndaỽ; kyt bo idaỽ ef a gattwo
12
y gorff rac y ỻedrat; efo eissoes a|dyl·y kadỽ
13
y ty. ac ỽrth hynny y barn kyfreith. y ty yn halaỽc+
14
ty. ac a vo yndaỽ dyeithyr adneu. kanny
15
dyly perchennaỽc adneu kadỽ ty araỻ rac
16
ỻedrat; ny byd coỻedic ynteu o|r eidaỽ. Nyt ̷
17
oes yn|y gyfreith ỻe y dylyer anreith gribde+
18
il. namyn yn vn ỻe; am lad kelein.
19
P ỽy|bynnac a|vynno gỽneuthur dogyn
20
vanac; aet att y raclaỽ a|dywedet ry
21
wneuthur ỻedrat o|dyn. ac na leueis ef y
22
dywedut arnaỽ. ae rac y uonhed. ae rac y
23
uedyant. Yna y mae iaỽn y|r raclaỽ dyuyn+
24
nu yr offeiryat attaỽ. a|dywedut ỽrthaỽ
25
yr hynn ry dywetpỽyt ỽrthaỽ ynteu. a go+
26
ỻỽg yr offeiryat ygyt ac ef hyt yn|drỽs
« p 122 | p 124 » |