NLW MS. Peniarth 18 – page 10v
Brut y Tywysogion
10v
1
hỽnn a|oed deỽr molyannus galluuaỽc a|chyueillt y|r|bren+
2
hin. a gỽr arderchaỽc oed yn|y holl ỽeithredoed. y erchi
3
idaỽ dyuot attaỽ. Ac ynteu a deuth. ar brenhin a|dyỽ+
4
at ỽrthaỽ. yd oedut hep ef ynn ỽastat ynn keissaỽ gen+
5
nyf rann o|tir y|bryttannyeit. Mi a|rodaf yt yn aỽr
6
tir cadỽgaỽn. dos a|gorescynn ef. Ac yna y|kymerth
7
ynn llaỽen. y|gann y|brenhin. Ac yna gann gynnullaỽ
8
llu gyt a|e getymeithon y|deuth hyt yg|keredyaỽnn.
9
Ac y|goresgynnaỽd. Ac yd adeilaỽd deu gastell yndi.
10
nyt amgen. un gyuerbyn a llann padarnn yn emyl
11
aber yr auon a elỽir ystỽyth. Ac arall ger llaỽ aber
12
teiui yn|y lle a elỽir din gereint. y|lle y|grỽndỽalassei
13
rosser iarll kynn o|hynny castell. A gỽedy bychydic
14
o|amser yd ymhoelaỽd madoc ap ridit o Jỽerdon hep
15
allel godef anynolyon uoesseu y|gỽydyl. Ac yỽein a
16
trigyaỽd yno yn|y ol talym o amser. A madaỽc a|aeth
17
y|poỽys. ac nyt aruollet nac yn hegar nac yn tru*+
18
gaỽc y|gann ioruerth y|eỽythyr. rac y|gynnal ynn
19
gylus y|gann y|brenhin. herỽyd. kyfreith. a|drycỽeithret ot
20
ymgyffredinei a|e nei o|dim. Ac ynteu ynn wibyaỽdyr
21
a|lechaỽd hỽnt ac yma gann ochel kytdrycholder ior+
22
uerth. A Joruerth a|ỽnaeth kyureith hyt na bei neb
23
a|veidei dyỽedut ỽrthaỽ ef dim am uadaỽc. na menegi
24
dim ymdanaỽ gỽelit na ỽelit. Yg|kyfrỽg hynny ar+
25
uaethu a oruc madaỽc gỽneuthur brat ioruerth
26
yỽythyr. a|daly kyueillach a|oruc a|llyỽarch ap tra+
| « p 10r | p 11r » |