NLW MS. Peniarth 11 – page 78v
Ystoriau Saint Greal
78v
1
dywedut parabyl ofnus dechrynedic y|r|rei a|vynnynt vynet
2
y myỽn. Nyt amgen oed oed yr ysgriven no hynn. Chỽchỽi
3
varchogyon y neb a|vynno dyuot yma y|myỽn. pa vn byn+
4
nac vo. edrychet vot yn da y gret. kanys nyt oes o·honaf i
5
dim onyt cret a|ffyd. ac am hynny ymogelỽch kynn aỽch
6
mynet y myỽn rac bot arnaỽch chweith halogrỽyd. ac o|r
7
byd ny cheffỽch gennyf i chweith canhorthwy. ac yr aỽr y godiỽ+
8
edwyf i chi yn|torri neu yn gadaỽ vn pỽngk o|r ffyd. yna ~
9
minneu a|ch|gadawaf chwitheu ~
10
P an daruu udunt darỻein y ỻythyr a|e adnabot yna ỽ+
11
ynt a edrychassant pob vn ar y|gilyd. Ac yna yr vn+
12
bennes a|dywaỽt ỽrth beredur. a atwaenost di vyvi heb hi.
13
Na|ỽnn heb ynteu pa vn ỽyt ti. Gỽybyd di heb hi mae myvi
14
yỽ dy chwaer di. ac a|wdost di paham yr ỽyf yn peri ytt vy ad+
15
nabot. y vot yn weỻ y crettych ym am yr hynn a|dywettwyf
16
ỽrthyt. A mi a|dywedaf ytt yn gyntaf megys y|r neb mỽyhaf
17
a garaf o|r hoỻ vyt. o·nyt yttỽyt ti yn berffeith yn|ffyd a chret
18
iessu grist o neb ryỽ vod na|dos di y|r ysgraff racko. kanys yr
19
aỽr yd elych ony bydy ual y dywedeis|i ef a|th goỻir yn ehegyr.
20
Pan y kigleu peredur hi yn dywedut ueỻy. edrych arnei a|o+
21
ruc. a|e hadnabot a|bot yn|ỻaỽen ỽrthi. a|dywedut ỽrthi. ~
22
Myn vyng|cret vy chwaer y dec heb ef myvi a|af y|myỽn. kanys
23
ỻaỽn ỽyf o|ffyd. a|marchaỽc urdaỽl ỽyf megys y dylyỽyf vot.
24
Dos ditheu y myỽn heb hi yn hy. a|duỽ a|vo porth ytt. Ac ual
25
yd oedynt ỽy yn ymdidan ueỻy. galaath dan dodi arwyd y groc
26
arnaỽ a|aeth y|myỽn yn gyntaf a|r vorwyn yn ol|hynny. a bỽrt
| « p 78r | p 79r » |