Oxford Jesus College MS. 57 – page 221
Llyfr Blegywryd
221
1
gỽyl san|ffret yn agoret rac kaeu kyfreith yn
2
undydyaỽc. ac yn un mod a|hynny. naỽ nieu
3
gỽedy kalan mei yn gaeat. a|naỽ nieu gỽedy
4
aỽst yn agoret. rac agori. kyfreith. yn un·dydyaỽc he+
5
uyt Pỽy bynnac a|vynno kyffroi haỽl am|dir
6
a|daear. kyffroet yn naỽuettyd kalan gaeaf.
7
neu yn naỽuettyd mei. kanys yn|yr amseroed
8
hynny y byd agoret. kyfreith. am|dir a|daear. O der+
9
uyd y haỽlỽr mynnu holi tir a|daear. deuet
10
yn|yr amseroed hynny att yr arglỽyd y erchi idaỽ
11
dyd y|warandaỽ y haỽl a|hynny ar|dir. Yn|y dyd
12
hỽnnỽ datkanet y haỽl. Ny dyly caffel atteb
13
y|dyd hỽnnỽ. kanys deisyuedic yỽ ar y|gỽerche+
14
itweit. ac ỽrth hynny y gỽercheitweit a|dylyant
15
oet ỽrth eu porth. Jaỽn yỽ y|r haỽlỽr y ludyas ud+
16
unt os|dichaỽn hynny. kyfreith. a|dyweit y dylyu. Ac
17
yna y|mae iaỽn y|r yngneit eu gỽarandaỽ a go+
18
uyn pa|le y mae eu porth. Os ỽy a|dywedant vot
19
y porth yn eu kymỽt e|hun. roder oet tridieu ud+
20
unt. O|r byd yn yr eil kymỽt. naỽ nieu. Os yn|y
21
trydyd. neu vot ỻanỽ neu drei y·ryngthunt a|e
| « p 220 | p 222 » |