Oxford Jesus College MS. 20 – page 26r
Ymborth yr Enaid
26r
a|seith ugein mil o verthyri meibon
diargywed a|las yn keissyaỽ crist y+
n|y enỽ ef kyn bot vn o·honunt yn
dỽy ulỽyd. A hynny oỻ a oedynt yn|y ̷
gylch ef yn kanu gỽaỽt idaỽ. ar ny
aỻei neb vch y daear nac is y daear y
ganu namyn ỽynt e|hun. Ac ystyr
y waỽt a genynt hyt y gaỻei y braỽt
y deaỻ oed hynn. Diolchỽn ion ytt
dy rodyon ynny veibyon vaboet dirrym.
Pei beym henyon val yn dynyon
coỻedigyon digỽyn vydym. Neu|n
differeist pann yn rodeist gỽaet a gre+
eist yn greu ffrỽythlym. Maỽr y|n
kereist pann yn gwereist. y|n vedydyeit*
bydoed erdrym. Jor crist keli. ỽrth dy
voli clyỽ yn gwedi gwaet eiryaỽl. y ̷
mae gennym ni o|th radeu di. kyn yn
profi. praỽf budugaỽl. Gỽaet heb da+
uaỽt. heb gryfder gnaỽt. heb
rym keudaỽt kiỽdaỽt dynaỽl. Yn
| « p 25v | p 26v » |