Oxford Jesus College MS. 119 (The Book of the Anchorite of Llanddewi Brefi) – page 31r
Ystoria Lucidar
31r
1
lonnder mỽy vyd eu poynnev noc ereill. kann+
2
ys kalettaf y bernnir ar|y pennaduryeit. A|e
3
barnn hep drugared a|vyd ar|y|neb ny wnnel
4
trugared. Paham y|godef yr etholedigyonn
5
gwrthỽynnebed y|byt hỽnn ygyt a|rei drỽc.
6
a|e bot yn|y plith. Am ymdreidyaỽ y|mỽyn* peth+
7
ev bydaỽl. Ac am hynny y|poenir wynt o|afulo+
8
nydỽch y byt. A|duỽ holl gyuoethaỽch val y|dy+
9
ỽedyt. Ef a|wnnaeth pob peth o|r a|vynnaỽd.
10
A|r eil·weith y|dyỽedir. Ti a elly pob peth o|r a
11
vynnych. Paham y|dyỽedir am·danaỽ yntev.
12
vot y|ryỽ bethev ny dichaỽn ef eu gwnneuthur
13
megys dyỽedut kelỽyd. nev wnneuthur yr
14
hynn ny mynnaỽd y wnneuthur gynt. Nyt
15
an·allu hỽnnỽ namyn goruchel allu. canyt
16
oes nep ryỽ greadur a|allo y|drossi ef y|symu+
17
daỽ yr hynn a|ossodes. Beth yỽ racweledigaeth
18
duỽ. Adnabodedigaeth y|wybot y pethev rac
19
llaỽ. Ac o|e hetturyt megys y|pethev kynndry+
20
chaỽl. O gỽybu duỽ pob peth o|r a|del rac llaỽ. a
21
dyỽedut drỽy y|proffỽydi yr hynn a delynt rac
22
llaỽ. Ac ny ellir y|dỽyllaỽ ef yn|y wyd. A chynt
23
heuyt y|deruyd y|nef ar dayar noc y|gellir sy+
24
mudaỽ geirev duỽ. Ef a|welir pot yn dir dyuot
25
pob peth o|r ny damweinassant eiroet. Am agken+
26
reit.
| « p 30v | p 31v » |