Cardiff MS. 1.362 (Hafod 1) – page 57v
Brut y Brenhinoedd
57v
heneint y rei dan vor a wneir yn leuffer. Ac ỽynteu a
lunyant bredycheu dan y mor. y llogeu a sodant ac
aryant nyt bychan a gynnullant. Eilweith y ret
auon temys. Ac yny bỽynt alwedigyon auonoed ei+
thyr teruyn y chanaỽl y kertha. y kaeroed nessaf a
gud. Ar mynyded y ar|ford a distryỽ. ỽrth hynny y ro+
dir ffynhaỽn idaỽ laỽn o vrat ac enwired. O honno y
genir lladuaeu a eilỽ a gỽyndyt ar ymladeu. keder+
nyt y llỽyneu. A gytuunha. Ac o elecheu y deheu+
wyr yd ymladant. Bran a ehetta y gyt ar barcutanot.
A chorfforoed y rei lladedic a|lỽnc. A muroed kaerloyỽ
y gỽna y bỽn y nyth. Ac yn|y nyth y creir assen. hỽn+
nỽ a|uag sarf maluarn. Ac yn llawer o wredycheu y
kyffroha. yn·y bo kymeredic y teyrnwyalen; yd es+
cyn goruchelder. Ac o aruthyr sein yd aruthra y wlat.
yn|y dydyeu y seinant y mynyded. Ac y dyspeilir y
kymhydeu oc eu lỽyneu. kans daỽ pryf tanaỽl y ana+
dyl; yr hỽn a|lysc y gỽyd yny bo gỽrthladedic y gỽ+
lybỽr. O|hỽnnỽ y kerdant seith ychen kynyruedic o
penneu bycheu. O dryc wynt eu froeneu y llygrant
y gỽraged. Ac y|gỽnant yn priaỽt udunt. Ny ỽybyd
y tat y priaỽt vab. kans o deuaỽt aniueileit y re+
wydant. ỽrth hynny y daỽ kaỽr enwired; yr hỽn a
aruthra paỽb o lymder y lygeit. yn erbyn hỽnnỽ y
y* kyuyt dreic kaer wyragon. A hỽnnỽ a uydylya
y distryỽ. Gỽedy y|bo ornest y·rydunt y goruydir
y dreic. Ac o enwired y budugaỽl y kywarsegir. kans
escynnu y dreic a|wna. Ac yny bo diodedit* y wisc. yd
ested* ar y gefyn yn noeth. y dreic a|e dỽc ynteu ar o+
| « p 57r | p 58r » |