Cardiff MS. 3.242 (Hafod 16) – page 32
Meddyginiaethau
32
1
dyrneit o|deil y|danhogen. a|briỽ a|thempra ỽynt gyt a gỽin. ac
2
yf|y|diaỽt honno. ac nac yf diaỽt araỻ yny vo y brath neu|r
3
dyrnaỽt yn iach ac yn lan. Araỻ yỽ y|lad kic marỽ a vo my+
4
ỽn brath neu dyrnaỽt. kymer. hen|wer a hen|dom keilyackỽyd.
5
a|chrouen bara ryc. a phlisc wyeu. a halen. kymeint o|bob un
6
ohonunt a|e gilyd; a dot ỽynt y myỽn crochan. a ỻosc yny vont
7
yn bỽdyr a|mal y pỽdyr hỽnnỽ yn van a dot arnaỽ. Araỻ
8
yỽ; kymer galch wedy y losgi deu bỽys. a chymysc ac ef bỽys
9
o|r pimant. a|dot hỽnnỽ ygyt myỽn poesnet y verwi gyt
10
a|dỽfyr. ac odyna tynn ef y ar y tan. a dot y sychu a|gỽna
11
bỽdyr o·honaỽ. a|dot ar y kic marỽ ac ef a|e ỻad. Araỻ yỽ;
12
kymer y ỻyssewyn a|elwir aleluya. a briỽ a|dot ar lywan ỽrth
13
y tan y grassu. a dot ef ar|y kic marỽ. Medeginyaeth rac
14
esgyrn tỽnn. rỽym yr aelaỽt yn|gyntaf gỽeith y bo yr|es+
15
gyrn tỽnn yndaỽ. ac odyna dyro idaỽ y|ỽ yfet conferi y|bore
16
a|r|nos beunyd. a phlastyr a|dodir ỽrthaỽ o win. a|mel. a halen.
17
a blaỽt ryc o|bob un kymeint a|e gilyd a|chymysc ygyt a|gỽna
18
blastyr. a|dot arnaỽ. Y brofi pa|vn a vo ar|dyn yny glỽyfo. ae
19
y|kic a ys y ỻaỻ. ae pydri araỻ. yn|gyntaf ir y dolur o bob
20
parth idaỽ a mel. ac odyna kymer gaỽs gỽyry. a blaỽt. a dot ỽynt
21
yn|y daear nosweith. a chlỽm ef yno. A thrannoeth pan y|sym+
22
uttych o|r byd tyỻeu yn|y kaỽs; gỽybyd di vot y pryf yno. A+
23
rall yỽ; dot ỽrthaỽ ar|hyt y nos volchỽeden du. ac o|r gỽely|di
24
y volchỽeden gỽedy y tharaỽ drannoeth pan y hedrychych. y
25
pryf a|vu yno. Y lad y pryf; kymer. wreid yr elebre du. a|berỽ
26
ef myỽn gỽin a mel. a|chymer. volchỽeden du a dot ar y|dolur
27
ỻe bo y|kic|drỽc. a|dot y confecciỽn arnaỽ. ac ef a|lad y pryf.
| « p 31 | p 33 » |