NLW MS. Peniarth 36A – page 74r
Llyfr Blegywryd
74r
1
ac ỽrth hynny y dywedeis ny eill yr eil dadanhut
2
ỽrthlad y kyntaf. yr holl vrodyr ieuaf ampri+
3
odoryon ynt ar gaffel dadanhut kyt kaffo
4
pob vn y ran. ac ỽrth hynny y| dywedir na| ỽrth+
5
lad ampriodaỽr ampriodaỽr arall. Megys y
6
may braỽt yn etiued dylyedaỽc o| tref y| tat
7
velly y| mae y| chwaer yn etiued dylyedaỽc
8
oe gwadaỽl trỽy yr hỽn y kaffo hi ỽr priaỽt
9
dylyedaỽc o| tir nyt amgen y gan y| that neu
10
y| chytetiuedyon or tric ỽrth gyghor y| rieni
11
ae chytetiuedyon. Os keitwat a gyll adneu
12
heb golli y| da ynteu ef a| dal y| gollet oll o| gy+
13
freith llyfyr kynaỽc hagen a dyweit bot yn
14
haỽs y gredu or dygir y| da ynteu yn| lle+
15
drat. y gyt ar| llall a| gwelet torri ar y| ty ef
16
a| dyly hagen tyghu a| dynyon y| ty gyt ac
17
ef y vot ef yn iach or da hỽnnỽ. or clydir y
18
dayar hagen dan y| ty gỽedy gỽnel ef y gy+
19
freith y vot ef yn iach; brenhin bieu dayar
20
ac ny dyly keitwat vot drosti Or dỽc neb
21
adneu at geitwat; y| gadỽ a| cholli peth or da
22
a| bot ymdayru rỽg y| keitwat ar perchenna+
23
ỽc y| da am| y da. y keitwat bieu tyghu ef ar
24
vndyn nessaff y|w
| « p 73v | p 74v » |