NLW MS. Peniarth 18 – page 59r
Brut y Tywysogion
59r
1
neb yd aeth oto gardinal o loeger. Ac y|delit ef a
2
llaỽer o archescyp. Ac esgyp. Ac abadeu. Ac eglỽys+
3
sỽyr ereill ygyt ac ef y|gann frederic amheraỽdyr
4
gỽr a|oed yn|ysgymun yn ryuelu yn erbyn gregori
5
bap. A gỽedy mynet y cardinal o loeger y kynulla+
6
ỽd y|brenhin lu ac y|doeth y darestỽg tyỽyssogyon
7
kymry. Ac y cadarnhaỽd castell y careg yn emyl
8
y|disserth yn tegeigyl. Ac y|kymerth ỽystlon y|gan
9
dauid ap llywelyn y|nei dros ỽyned ar talu o ddauid y|grufud ap
10
gỽenỽynỽyn y|holl dylyet ym poỽys. Ac y veibon
11
meredud ap kynan y|holl dylyet ymeironyd. A chan
12
dyvynnu ddauid y lundein yr cỽnsli. a|dỽyn ygyt ac ef grufud
13
y|vraỽt ar|holl garcharoryon a|oed ygyt ac ef yg
14
karchar y|brenhin. y lundein. Ac yna y|bu varỽ y
15
naỽuet gregori bap. Y ulỽydyn racỽyneb ychy+
16
dic ỽedy yr pasc y|morỽydaỽd henri vrenhin y|pei+
17
taỽ y|geissaỽ y gann vrenhin freinc y|dylyet. ar y
18
tired a|dugassei vrenhin freinc y|gantaỽ kynn o
19
hynny. Ac ny|s cauas y|ulỽydyn honno
20
namyn ỽedy ellỽg ieirll dracheuen y|trygyaỽd
21
ef ar vrenhines ymordeỽs. Y ulỽydyn honno y ca+
22
darnhaỽyt hynn o gestyll yg|kymry y|gann vael+
23
gỽn vychan. garthgrugyn y|gann Jon mynỽy. A
24
buellt y|gan rosser mortmer. maelenyd. Ac yna
25
y|bu grufud ap maredud ap yr arglỽyd rys archidia*+
26
gon keredigyaỽn. Y|ulỽydyn racỽyneb yd ymhoel+
| « p 58v | p 59v » |