NLW MS. Peniarth 11 – page 145r
Ystoriau Saint Greal
145r
1
a|delit dy gof ovyn beth a arỽydokaa pan y gỽelych. Ar hynny
2
gỽalchmei a|gychwynnaỽd yn gymeint y vedylyeu ac na doeth
3
y gof idaỽ ovyn pa wlat yd oed y cledyf na phỽy oed henỽ y
4
brenhin. a oed yn|y gadỽ ~ ~ ~
5
E ma* y mae y kyuarwydyt yn traethu marchogaeth o
6
walchmei yny doeth odieithyr y dinas. ac y vaes tec.
7
ac edrych a|oruc ar y maes o|e vlaen. ac ef a|welei bỽrgeis ar
8
geuyn march maỽr yn|dyuot parth ac attaỽ. Gỽalchmei a
9
doeth yn|y erbyn. ac a|gyuarchaỽd gỽeỻ idaỽ. ac ynteu a|e hate+
10
baỽd. Arglỽyd heb y bỽrgeis ryued yỽ gennyf|i vot gỽr kystal
11
a thydi o debygu heb varch da idaỽ. Arglỽyd heb·y gỽalchmei
12
ny aỻaf|i y weỻau ef yssywaeth. a|vnben heb y bỽr·geis y ba le
13
y mae y|th vryt ti vynet; mi a|af heb ynteu y geissyaỽ y cle ̷+
14
dyf y ỻas penn ieuan uedydywr ac ef. Och arglỽyd heb y
15
bỽrgeis yd ỽyt yn mynet y le periglus gan vrenhin creulaỽn.
16
yr|hỽnn ny char dim o duỽ. ac yssyd a diruaỽr greulonder yn+
17
daỽ. a|e henỽ yỽ gỽrgorans. ac ef a|aeth y|r fford honno lawer
18
marchaỽc urdaỽl ar|vedyr keissyaỽ y cledyf. ac ny doeth yr
19
vn adref dra|e|gevyn. ac o|r mynny di roi dy gret ymi os duỽ
20
a|ganhatta ytti gael y cledyf ar|dyuot fford yma o|e|dangos ef
21
ymi. Minneu a rodaf y|ttitheu y march hỽnn. Beth a|wnaut
22
ti heb·y gỽalchmei o|thorrỽn i vyng|cret ar hynny kanys
23
ny|m hatwaenost o|dim. Ef a|welir ymi heb·y gỽalchmei
24
dy vot ti yn wr kywir am yr|hynn a|edewych. Myui a|adawaf
25
hynny heb·y gỽalchmei. ac ar hynny disgynnu a|oruc y bỽr+
26
geis. a roi y march idaỽ. a gỽalchmei a|aeth ar y march ac
| « p 144v | p 145v » |