NLW MS. Llanstephan 27 (The Red Book of Talgarth) – page 149v
Purdan Padrig
149v
1
creaỽdyr a brynaỽd paỽp ac a|rodes ytti y ryỽ darpar o|rat
2
a|wnaeth ytt vynet trỽy y poeneu gan wastattau yn dy ffyd.
3
O garedic vraỽt yr aỽrhonn y mynnỽn ni ytti adnabot
4
pa le yd oed y|ỻe y gỽeleist di y poeneu yndaỽ. a pha|wlat yỽ
5
honn yma. O honn y bỽryỽyt adaf yn|kysseuin dat ni o a+
6
chaỽs kared. neu gabyl y an·ufuddaỽt kynn angeu y
7
vynet yn an·ufud y duỽ yd oed idaỽ ỻewenyd kyffelyb
8
y veint y|r hỽnn a|wely di. kanys geireu duỽ a glywei ef
9
yma yn wastat o leindit caỻon. ac o hynt goruchel wele+
10
digaeth. Diheu oed y gỽelei ef yma y gỽynuydedigyon
11
engylyon. pan dygỽydaỽd ynteu trỽy y an·ufuddaỽt o|r
12
gỽynuydedigrỽyd hỽnn. ef a|goỻes hoỻ leuuer y vryt.
13
a channy bu deaỻ ganthaỽ pan yttoed yn|y enryded. ef
14
a gyffelybỽyt y gynweith ynvyt. ac ynteu a|wnaethpỽyt
15
yn gyffelyb y|r ryỽ·vn hỽnnỽ. y hoỻ blant ef a vỽrywyt
16
y angeu megys ynteu o achaỽs kabyl y an·ufuddaỽt ef.
17
O cystydigyaỽl an·ufuỻtaỽt yn gỽaraf arglỽyd duỽ ni
18
y gyffroi a ossodes yn arglỽyd ni Jessu grist y vn mab ef y
19
gymryt knaỽt y truein dynaỽl genedyl. A gỽedy y kym+
20
erom ninneu y ffyd ef trỽy vedyd. ni a haedỽn ymchoelut
21
y|r wlat honn yma. gỽedy yn rydhaer o|r pechodeu a|wnelom
22
ac o|e hen bechaỽt ynteu adaf. Gỽir yỽ y pechỽn ni yn
23
uynych trỽy vrefolder gỽedy kymerom ffyd. a|n anghenre+
24
it ninneu oed haedu madeueint o|n pechodeu trỽy benyt.
25
Y penyt hagen a|gymerom ni arnam yn angeu. neu yn|y
26
dyd diwethaf. ac na|s|cỽplaom yn bydaỽl uuched. gỽedy yd
27
el yr eneit o|r corff yn|y ỻeoed truein a weleist di y|n goỻyngir
| « p 149r | p 150r » |