NLW MS. Llanstephan 27 (The Red Book of Talgarth) – page 103r
Y Groglith
103r
1
Ac yna y|dywaỽt pedyr ỽrthaỽ ynteu. a chyt boet reit ymi
2
uarỽ ygyt a|thi ny|th wadaf. ac ual hynny y dywaỽt paỽp
3
o|r|disgyblon ereiỻ. Ac yna y doeth iessu ac ỽynt y·gyt ac
4
ef y dref iosemani. ac yna y dywaỽt ef ỽrth y disgyblon. eis+
5
tedỽch yma hyt tra elỽyf racko y wediaỽ. a|chymryt pedyr
6
a deu uab zebedeus y·gyt ac ef. a|dechreu kymryt tristit yn+
7
daỽ. a dywedut ỽrthunt. Trist yỽ vy eneit i erbyn angeu. ~
8
kynhelỽch yma a|gỽediỽch y·gyt a|mi. a cherdet y·chydic
9
a|wnaeth ef. a dygỽydaỽ a|e wyneb ỽrth y ỻaỽr y wediaỽ. ac
10
yna dywedut. vyn|tat i heb ef os gaỻu a vyd kerdet yr ang+
11
eu hỽnn y ỽrthyf. ac eissyoes nyt herỽyd vy mynnu i. na+
12
myn ual y mynnych di. ac odyna. ac* odyna* dyuot att y
13
disgyblon. ac y kafas ỽynt yn kysgu. ac y dywaỽt ỽrth be+
14
dyr. Ny eỻeist wylyat un aỽr y·gyt a|mi. Gỽylỽch a|gỽe+
15
diỽch rac aỽch mynet ym prouedigaeth. Paraỽt yỽ yr yspryt
16
ac eissyoes gỽann yỽ|r knaỽt. Odyna yd aeth ef yr eilweith
17
y wediaỽ. vyn|tat i heb ef ony dichaỽn yr angeu hỽnn
18
vynet y ỽrthyf|i yny kymerỽyf. bit dy ewyỻys di. ac eilwe+
19
ith yd aeth attunt ac eu kaffel yn kysgu. kanys gorthrỽm
20
oed eu ỻygeit ganthunt. ac eu hadaỽ a|oruc. a|r dryded
21
weith yd aeth y wediaỽ yr vn ymadraỽd. Ac odyna y doeth
22
att y disgyblon. ac erchi udunt gysgu a gorffowys. ỻym+
23
ma heb ef yr aỽr yn dynessau y rodir mab dyn yn ỻaỽ
24
pechaduryeit. Kyuodỽch aỽn. ỻyma ef yn dynessau y
25
neb a|m ryd i. ac efo etto yn|dywedut hynny. ỻyma Judas
26
vn o|r deudec yn dyuot ac y·gyt ac ef toryf uaỽr a|chledyf+
27
eu ac a|ffusteu gỽedy eu ry anuon o dywyssogyon yr offeiry+
28
eit.
| « p 102v | p 103v » |