Oxford Jesus College MS. 57 – page 8
Llyfr Blegywryd
8
1
din yỽ honno. ac y ar nodyeu paỽb naỽd y bren+
2
hin yn bennaf. ac ỽrth hynny nyt oes naỽd
3
idaỽ y gan vn o·honunt. nac y gan vn o·ho+
4
nunt greireu. nac y gan eglỽys. Ny digawn
5
vn o|r sỽydogyon ỻys rodi naỽd. ony byd vn o+
6
honunt yn sefyỻ drostunt oỻ. ac a|dywetto mae
7
efo a|dyry y naỽd drostunt oỻ y baỽp o|r a|e keissyo
8
y ganthaỽ yn|y enỽ y keissyer. Naỽd brenhin+
9
es yỽ. dỽyn y dyn y rodo naỽd idaỽ dros ffin y
10
wlat heb erlit a heb ragot. Naỽd y penteulu
11
yỽ. dỽyn y|dyn dros ffin y kymỽt y bo yndaỽ.
12
Naỽd yr offeiryat teulu yỽ. dỽyn y dyn hyt yr
13
eglỽys nessaf. Naỽd y distein yỽ. o|r pan dechreuo
14
y distein sefyỻ yn|y sỽyd yny el y dyn diwethaf o|r
15
ỻys y gysgu. Naỽd yr hebogyd yỽ. hebrỽng y|dyn
16
hyt y ỻe peỻaf y bu y dyd hỽnnỽ yn|y hebogyd+
17
yaeth. Naỽd y braỽdỽr yỽ. hebrỽng y dyn kyhyt
18
o amser ac o|r pan dechreuer dadyl rac y vronn y
19
bore. hyt pan deruyno y dadyl diwethaf yn|y
20
dyd hỽnnỽ. Naỽd y pen·gỽastraỽt yỽ. tra barhao
| « p 7 | p 9 » |