Oxford Jesus College MS. 57 – page 110
Llyfr Blegywryd
110
1
o|r a|dylyo y gaffel o gyfreith yn|y vaeroni. Maer
2
a rann y teulu pan elont ar dofreth. Maer a
3
chyngheỻaỽr a dylyant gaffel traean gobreu
4
merchet bileineit y brenhin. a thraean eu cam+
5
lyryeu. a|thraean eu hebediweu. a|thraean eu
6
hyt y saỽl a ffoont o|r wlat. a thraean yr yt
7
a|r bỽyt o bop marỽty taeaỽc. Maer bieu ran+
8
nu pop peth. a ringiỻ bieu dewis y|r brenhin.
9
O|r damchweinya na aỻo maer daly ty. kym+
10
eret y taeaỽc a vynno yn|y vaeroni vlỽydyn
11
o|r|kalan mei y|r ỻaỻ. a mỽynhaet ef laeth y
12
taeaỽc hỽnnỽ yr haf. a|e yt y kynhaeaf. a|e
13
voch y gaeaf. a phan el y taeaỽc y ỽrthaỽ.
14
gadet idaỽ pedeir hych a|baed. a|r ysgrybyl e+
15
reiỻ oỻ. ac ỽyth erỽ gỽanhỽynar. a their
16
gaeafar. a|r eil vlỽydyn a|r dryded gỽnaet ueỻy
17
ar vileineit ereiỻ. ac odyna ymborthet teir
18
blyned ereiỻ ar y eidaỽ e|hun. ac odyna gỽa+
19
redet y brenhin arnaỽ o rodi bileineit idaỽ
20
yn|y mod gynt. Ny cheiff maer na chyngheỻ+
21
aỽr
| « p 109 | p 111 » |