Oxford Jesus College MS. 119 (The Book of the Anchorite of Llanddewi Brefi) – page 86r
Ymborth yr Enaid
86r
1
A gymerth o|r dayar dyỽyll. A gỽageu o eur
2
yn cayu ar y|mynyglev. A llafynnev o eur yn
3
gyfulaỽn o|wynnyon emmev o vynỽgyl y|traet
4
hyt ymlaen y|vyssed. Ac ar vchaf y beis glaer+
5
wenn honno a|arỽydockaei kanneitliỽ diargy+
6
ỽed y gỽerydon yd|oed ysgin o bali flammgoch ỽe+
7
dy y lliỽaỽ a gỽaet pedeir mil a seithugeinmil o
8
verthyri meibon diargyỽed a|las yn keissyaỽ
9
crist yn|y enỽ ef. kynn bot vn ohonunt yn|dỽy|vlỽ+
10
yd. A hynny oll o veibon a|oedynt yn|y gylch ef
11
yn kanu gỽaỽt idaỽ. ar ny aallei neb vch y|dayar
12
nac is dayar y chanu namyn ỽynt e|hunein. Ac
13
ystyr y|waỽt a|ganeint hyt y gallei y braỽt y|dy+
14
all oed hynn. Diolchỽn yon ytt dy rodyon yni
15
veibon. vaboet dirym. Pe|beym henyon. val yn dy+
16
nyon. kolledigyon digỽyn vydym. Neun diffe+
17
reist pan yn rodeist. gỽaet a|greeist yn greu ffrỽ+
18
ythlym. Maỽr yn kereist. on gỽyargeist yn be+
19
dydyeist. bydoed eidiym. Yor grist keli. vrth dy|vo+
20
li. klyỽ yn gỽedi. gỽaet a|eiryaỽl. Mae gennyf ui.
21
o|th radeu di. kynn yn proui. praỽ budugaỽl. ~
22
Gỽaet heb dauaỽt. heb gryfder knaỽt. heb rym
23
keudaỽt. kiỽdaỽt dynyaỽl. Yn kanu gỽaỽt. y|duỽ
24
drindaỽt. diỽael vndaỽt. vn temyl dỽyỽaỽl. Maỽl
25
diledryt. yr tat maỽrvryt. Ar glan yspryt kyỽyt
| « p 85v | p 86v » |