Breudwd Welsh Prose 1300-1425
Cymraeg

Oxford Jesus College MS. 119 (The Book of the Anchorite of Llanddewi Brefi) – page 108r

Buchedd Beuno

108r

1
auon a|elỽir seint. lle yr oed beuno  yn eisted ar vaen
2
yn|glan yr auon. A hỽnnỽ a rodes dros y eneit e|hun
3
ac eneit cadỽallaỽn y|geuenderỽ. y|duỽ a|beuno; y|dref
4
e hun a elỽit kellynnaỽc yn|dragyỽydaỽl. heb val a
5
heb ardreth a|heb vedyant y|dyn o|r byt na haỽl arnei
6
Ac yno y gỽnaeth beuno laỽer o ỽyrtheu drỽy nerth
7
duỽ y|rei ny allei dyn o|r byt hỽnn eu rifaỽ. Ac yn|yr
8
amser hỽnnỽ ef a|damỽeinaỽd mynet vn o ỽeithỽyr
9
aberffraỽ hyt yn llys ynyr gỽent. Ac o|r byt nyt oed
10
ỽas Jeuancg degach no hỽnnỽ. A|phann ỽelas merch
11
ynyr gỽent y|gỽas Jeuancg hỽnnỽ. hyt a|e caraỽd
12
hyt na mynheu hi vot hebdaỽ ef. Ar brenhin a|adna+
13
bu hynny yn|y lle ac a|e gỽybu. Ac a|deỽissaỽd rodi yr
14
gỽas hỽnnỽ y verch yn briaỽt rac y gymryt ohonei
15
hi euo o aruer arall dieu oed gantaỽ rac tecket y
16
gỽas a|e adỽynnet y vot yn|vab y|vrenhin ac yn dy+
17
lyedaỽc. A gỽedy talym o amsser ef a|ymhoelaỽd
18
y|gỽas ieuanc hỽnnỽ a|e ỽreic ygyt ac ef tu a|e ỽl+
19
at. Ac a|doethant hyt y|lle a elỽit pennard yn aruon.
20
Ac yna y|disgynassant y ar eu meirch a gorffỽys a|ỽn+
21
aethant yno. Ac o|tra|blinder a|lludet. kyscu a|syrthy+
22
aỽd ar|yr|vnbennes. Sef a|ỽnaeth ynteu ar vnben+
23
nes yn kyscu. yn|y vedỽl keỽilydyaỽ yn ormod y vot
24
yn mynet y|tu a|e ỽlat a gỽreic kymoned a honno y+
25
gyt ac ef. ac nat oed le y|gyrchu a hi. onyt bot yn|reit