BL Harley MS. 958 – page 5v
Llyfr Blegywryd
5v
O|r gat ẏ brenhin vn o|r teulu ar var ẏ gan+
taỽ hit odis pentan. ẏ penteulu bieu ẏ wa+
haỽd a|e gẏnhal gẏt ac ef os mẏn. Ac ef bi+
eu kẏmrẏt ẏr henuryat a uẏnho ar ẏ deheu
ac arall ar ẏ asseu. March ẏn wosseb a dẏlẏ
ẏ gan ẏ|brenhin. Ran deu varch o|r ebrann
D istein a|uẏd kẏfrannaỽc ar y va
ẏ pedeir sỽẏd ar hugeint ẏn ỻẏs. Ran
deu ỽr a geif o arẏant a|del ẏ·gẏt a gwest+
uaeu brenhinaỽl. Pan rotho ẏ brenhin
sỽẏd ẏ vn o|r sỽẏdogẏon eithyr ẏ rei arben+
hic ẏn ỻẏs. gobẏr a geif ẏ distein ẏ gantaw
pedeir ar|ugeint arẏant. Ac ef a geif ẏ gan
ẏ pen·kẏnẏd croen hẏd ẏn hẏderef ẏ wneu+
thur ỻestri ẏ gadỽ kẏrn ẏ brenhin a|e ffioleu
a hẏnnẏ kẏn rannu ẏ crỽẏn rỽng ẏ bren+
hin a|r kẏnẏdẏon ereiỻ pan ẏ harcho o han+
her hwefraỽr hẏt gwedẏ ẏr ỽẏthnos gyn+
taf o vei. Distein a geif kẏmeint a deu ỽr o
arẏant ẏ|gwastrodẏon. ac ef o gẏfreith a|geif
medẏant ẏn|ẏ gegin a|r vedgeỻ. Ac ef bieu
gossot bỽẏt ẏ|r brenhin a seic uch laỽ a seic
is laỽ. ẏn|ẏ teir gỽẏl ar·benhic. A|heilaỽ ar
ẏ brenhin ac ar ẏ dỽẏ seic. Distein a geif
manteỻ ẏ penteulu ẏm|pob vn o|r teir gỽ+
ẏl ar·benhic. Ac ef a geif kẏhẏt a|e vys
| « p 5r | p 6r » |