Cardiff MS. 1.363 (Hafod 2) – page 29r
Brut y Brenhinoedd
29r
1
a|e kymell ynteỽ ar ffo o wlat pwy gylyd hyt
2
pan deỽth hyt ym mevn y maes maỽr yg kym+
3
ry. ac yna rody kat ar ỽaes. Ac yno y llas mar+
4
gan. Ac o|e enw ef y|gelwyr y lle honno maes m+
5
argan yr hynny hyt hedyw. ac|yno y mae manach+
6
loc ỽargan yn awr. Ac gwedy y wudỽgolyaeth
7
honno y kymyrth cỽneda holl teyrnas ynys pryd+
8
eyn. ac y gwledychỽs cỽneda yn hedỽch tagnheỽ+
9
edvs teyr blyned ar dec ar|ỽgeynt. Ac yn amser
10
yd oedynt ysayas ac osee yn proffwydi. ac
11
a|adeylwyt rỽueyn y gan y deỽ ỽroder. remỽs. a
12
romỽlus. yn yr ỽn·ỽet dyd ar dec kyn kalanmey.
13
Gwedy marỽ cỽneda y deỽth Rywallaỽn y ỽ+
14
ap ynteỽ gwedy ef. gwas yeỽanc tagnheỽe+
15
dỽs a|tyhghetỽenavl* oed hỽnnỽ. ac ef a gwledyc+
16
hỽs trwy karyat a thagnheỽed. Ac yn|y amser ef
17
y deỽth glaw gwaet. ac y bỽant ỽarỽ y dynadon y
18
gan y kacwn trwy y glaw gwaetlyt yn eỽ llad. Ac
19
yn ol hỽnnỽ y deỽth Gwrwst y ỽap ynteỽ. Gwedy h+
20
ỽnnỽ Seyssyll. Gwedy hỽnnỽ Jago ney Gvrwst. G+
21
wedy hỽnnỽ kynỽarch ỽap seyssyll. En nessaf. ky+
22
nỽarch Gỽrfyw dygỽ. Ac y hỽnnỽ y ganet deỽ ỽ+
23
ap. ferỽex. a phorrex. Ac gwedy dygwydaỽ eỽ tat
| « p 28v | p 29v » |