BL Cotton Titus MS. D IX – page 52r
Llyfr Blegywryd
52r
1
Herỽth. auu. Y neb a|dycco vn o|r|rei hynny
2
heb gannyat y kynydyon camlyryus vyd.
3
Drostunt oll o|r dygir; teir punt a|telir.
4
O|R lledir hyd brenhin a|e gudyaỽ. dirỽy
5
a|telir drostaỽ. Os kyllella neb heb y|gu+
6
dyaỽ; camlyryus vyd. eithyr o|r mod rac+
7
dyỽededic. Gverth hyd yỽ; ych Ewic.
8
buch telediỽ a|tal. Gỽerth croen hyd; deu+
9
dec keinnaỽc CRoen eỽic; vyth geinna+
10
ỽc a|tal. Gỽerth hyd dof yr* brenhin; punt
11
yỽ Gỽerth pob llettuegin brenhin. neu y
12
vrenhines. punt yỽ. Gỽerth llettuegin
13
breyr; neu y wreic. neu y|verch. wheuge+
14
int yỽ. Gỽerth lletuegin tayaỽc. kein+
15
naỽc cota. O|r byd hely gellgỽn y|vreyr.
16
arhoet ef hyniy ellỽgho kynydyon y
17
brenhin y kỽn teir gỽeith y bore. ac od ̷+
18
yna gyllyget ynteu y|gỽn yn ryd. a|ph+
19
y|le|bynnac y|lladher y carỽ rodher hỽar+
20
thaỽr tir ohonaỽ. Py|ffordaỽl bynnac
21
a vratho bỽystuil gỽyllt ar fford yn|ffor ̷+
22
est brenhin. erlittyet ef ytra gỽelho.
23
ac os gordiỽed kymeret. ac o|r dieinc
24
y|dan y olỽc nac erlittyet. Pỽy|bỽystuil
25
brenhin a|gaffo dyn yn varỽ ar|tir dyn
26
arall. o|r byd hyys y gic; perchenn y|tir
| « p 51v | p 52v » |