Breudwd Welsh Prose 1300-1425
Cymraeg

Shrewsbury MS. 11 – page 28

Gwasanaeth Mair

28

C Emyn offa douẏd. duỽ tragẏwẏd dẏ ger+
ennẏd bẏd bod wared Wrth bobẏl
efrẏd bẏt aflonyd a|th blỽẏf bedẏd bẏ+
daỽl orsed Ytt rẏ gẏmrẏt ẏn knaỽt
ehut rec diolut rac dialed A vu gre+
ulut ual ẏ|n carut a|n prẏnu ẏn drut
alltuted Meir maỽr wared mirein
vaỽred vam trugared o|r tro agheu
Yanrẏded dẏ etiued madeu gared
mod ẏn geireu Mam gẏflaỽn rat
mab douẏd dat rac uffern gat rỽẏc ẏ
ffỽrn geu Differ dẏ wlat dỽc ni attat
ẏn eur anghat ẏn aỽr angheu Maỽl ca+
redic ẏ|r pendeuic ẏỽ|arbennic benna+
eth tri·byt Mab ganedic o|r wẏrẏ didic
ueir uaỽrhẏdic radeu gleindẏt Milio+
ed a wnant maỽl a|ganant ar vrẏn
a phant a phẏnt Maỽl ogonẏant
mirein uolẏant ẏ|r tat a|r plant a|r
sant ẏsprẏt Amen; ~ ~ ~