Breudwd Welsh Prose 1300-1425
Cymraeg

Shrewsbury MS. 11 – page 24

Gwasanaeth Mair

24

ẏn arllỽẏnẏon Molyant heuẏt ẏ|r glan
ẏspryt gwerẏt gwarẏon Maỽr anr+
ẏded mirein uaỽred ẏỽ|r nefolẏon  duỽ
trindaỽt dỽẏwaỽl vndaỽt vn teir per+
son Amen; v Duỽ a|e hetholes ac o vla+
en paỽb a|e racetholes Ac ẏn|ẏ gartref
e hun ẏ gwnaeth ẏ phressỽẏl a|e lles
Canyat zacarias effeirat pan anet Jeuan vedydywr
B endigedic uo duỽ arglỽẏd pobẏl
ẏr israel; can gouỽẏaỽd a phrẏna+
ỽd ẏ blỽẏf ẏn|diwael Drẏchafaỽd yn+
ni goron iechẏt ẏn tẏ dauẏd ẏ was
diwẏt Megẏs ẏ dẏwaỽt trỽẏ eneu ẏ
proffỽyt* ẏnni ẏ rei a vuant ẏr ẏnn oes+
soed ẏn difri Ea baraỽd ẏnni iechẏt
o|n gelẏnẏon ac o dỽẏlaỽ paỽb o|n dig+
assogyon Wrth wneuthur trugared
gẏt a|n tateu a choffau ẏn wastat or+
chẏmẏnneu Llỽ a dẏghaỽd ỽrth ẏn tat
ni abraham ẏ rodei e|hun drossom ni