Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 122r

Ystoria Bown de Hamtwn

122r

251

y|nhat yn deupeinaỽc. Sef a|wna  ̷ ̷+
eth y brenhin yna truanhau ỽrth
y mab a|gofyn idaỽ pỽy oed y enỽ.
arglỽyd heb ynte boỽn yỽ vy enỽ
bei crettut i y mahom vyn dyỽ i
ys da ỽr vydut ti. ac nyt oes imi
etiued namyn vn verch a|honno
a|m brenhinaeth i a rodaf it yr
ymadaỽ a|th gristonogayth. a ̷ ̷+
glỽyd heb y mab na daly adlo am
hynny yr yssyd o dir a dayar a da
gan y|sarassinieit a|r paganieit
nac yr dy verch ditheu yn ygwa  ̷ ̷+
nec nyt ymadaỽn i a|m gristonoga  ̷ ̷+
eth nac a iessu grist. ac ny|s gorffo
a amdireto neu a gretto y vahom.
a vab heb y brenhin guastat iaỽn
yỽ dy gallon ac anaỽd yỽ dy drossi.
a|chyny wediych di vahom mi a
vynnaf itti wassanaethu o|m ffiol
arnaf|i pob amser. a|ffan elych yn
oetran gỽr mi a|th vrdaf yn var  ̷ ̷+
chaỽc vrdaỽl ac a|th wnaf yn syns  ̷ ̷+
gal ar vy holl gyuoeth ac yn ben
ystondardỽr im. Sef a|wnaeth rei
o|r marchogyon y llys daly kyghor  ̷ ̷+
uynt ỽrth y mab rac y anỽylet gan
y|brenhin a meint y karei a sorri
ỽrth y|porthmyn a|y hanuonyssei
yno. Guedy mynet y mab yn pym  ̷ ̷+
theg|mlỽyd neu yn vn ar|bymthec
nyt oed reit o|r byt was ieuanc gry  ̷ ̷+
uach na|thegach na ffurueidach noc
ef. ac nyt oed yn|y llys vn marchaỽc

252

yr y gryuet a veidei ymdaraỽ
neu ymdrech ac ef kany diaghei
yr vn yn disarhaet y ỽrthaỽ. ac
yn yr amser hỽnnỽ y damweina  ̷ ̷+
ỽd dyuot baed coet y|r|kyuoeth
a|r wlat. a hỽnnỽ nyt arbedei nac
y uaỽr nac y vychan. a bei kyuar  ̷ ̷+
ffei vi ac ef vgein marchaỽc kyweir
o veirych ac arueu ny ddodei y baed
sylỽ arnun mỽy noc ar|y pertris
cỽtta. ac yn vynych y clywei boỽn
dywedut am y baed hỽnnỽ. Sef
a|wnaeth ynte dydgweith kymryt
y|wayỽ a|e gledyf heb arueu yghua  ̷ ̷+
nec ac ysgynnu ar amỽs da a|cher+
det racdaỽ tu a|r lle y kicleu vot
y baed. Sef a|wnaeth iosian merch
y brenhin kyuodi y ben y tỽr vchaf
o|r kastell ac yn eiste ac edrych ar
boỽn y|fford y kerdei kanys y|ledrat
garu ef yd oed hi. ac y|r coet yn
lle yd oed y baed y|doeth ef. ac ar
hynt y baed a|e harganfu ac ygyt
ac y|gwyl trỽynfychein ac agori
y safyn ac yn diannot achub y|gỽr
a|wnaeth. Ynteu val guas deỽr
gleỽ a vrathaỽd y march|ac ys  ̷ ̷+
parduneu ac idaỽ ac a|e way gos  ̷ ̷+
sot arnaỽ a|e vedru val y|mynnaỽd
duỽ yn|y sauyn ac ar y|hyt yny aeth
y gwayỽ drỽy y gallon. a|chan hỽrd
y baed yn dygỽydaỽ torri y|pala  ̷ ̷+
dar y|gwayỽ yn|drylleu. Sef a|wna  ̷ ̷+
eth boỽn yna disgynnu y|ar y varch