Breudwd Welsh Prose 1300-1425
Cymraeg

NLW MS. Peniarth 46 – page 350

Brut y Brenhinoedd

350

diffynn dim namyn y|heneiteu a|e kened+
yl. a|thrannoeth kyrchu eu gelynyon ynn
herỽyd y|ffyd. a goruot a|ỽnaethant ar pe+
anda y|dyd hỽnnỽ. a gỽedy clybot hynny
o catỽallawn. llidyaỽ a|oruc ac ymlit osỽallt
a gỽedy y|odiỽes yn|y|lle a|elỽir bỽruei y
lladaỽd peanda osỽallt urenhin. 
A  Gỽedy llad osỽallt y doeth osỽi ael+
ỽyn yn urenhin. y|uraỽt ynteu. a|chy+
nnullaỽ a|oruc hỽnnỽ eur ac ary+
ant. a|thlysseu a|e rodi oll y catỽallawn y|gỽr
oed oruchel urenhinaynysprydeinoll. a gỽrhau i  ̷+
daỽ. a thagneuedu uelly ac ef. ac odyna
y|kyuodes yn erbyn osỽi deu nyeint idaỽ uei+
bon y|uraỽt. aluryt. ac odỽalt. a gỽedy
na|allyssant dim yn|y erbyn y|doethant
at peanda y|erchi nerth idaỽ y|uynet trỽy
humyr ar torr osỽi aelỽyn. ac ny lauassa+
ỽd peanda hep gygor catỽallaỽn. ~
A |Gỽedy oedi hynny ohonaỽ hyt y
sulgỽyn. daly llys a|oruc catỽallawn
yn llundein. a gỽiscaỽ coron ynysprydein. am
y benn a|holl tyỽyssogyon kymry. a|saesson