Breudwd Welsh Prose 1300-1425
Cymraeg

NLW MS. Peniarth 46 – page 17

Brut y Brenhinoedd

17

hei baỽp onadunt y allu. ~ ~ ~ ~
A  gỽedy eu dyscu o vrutus ỽy velly
kerdet a|ỽnaethant ynn reolus
daỽel yny doethant ymplith y|llu+
estev paỽb yn|y gyueir. ac arhos y|r arỽ+
yd teruynedic a|oed yrygtunt ac eu har+
glỽyd. a gỽedy dyuot brutus y|drỽs pebyll
y|brenhin y|r lle y|damunassei y|dyuot
y kant y kornn yn arỽyd. ac yna yn|di+
annot yd aeth y|ỽyr y|myỽn ar torr yr
rei kysgaduryeit a rodi dyrnnodeu a
agheuaỽl vdunt. ac velly gann gỽyn+
van y rei meirỽ y deffroei y rei byỽ. a
megys deueit ymplith bleideu heb ỽy+
bot ford y fo yd arhoyynt eu hageu.
kany cheffynt o enhyt ỽisgaỽ eu hafr+
uev. ac ny cheffynt hỽyntev ffo nam  ̷ ̷+
yn redec yn noeth diaraf ymplith y|rei
aruaỽc o|e llad. ac velly o dianghei y
neb ac ychydic o|e eneit gantaỽ rac
meint y aỽyd y fo. briỽaỽ a|ỽnai ar y