NLW MS. Peniarth 46 – page 106
Brut y Brenhinoedd
106
kassar a|chassỽallawn. a chymryt teyrnget
bop blỽydyn o ynys. prydein y|gantaỽ. Sef oed
meint y teyrnnget. teil* mil o bunhoed
o aryant lloygyr. ac yna yd aethant
yn getymeithon casỽallawn. ac ulkassar.
ac y rodes pob un o|e gilyd rodyon maỽr+
ỽeirthaỽc. o eur. ac aryant. a|thlysseu.
ac y|bu ulkassar y gayaf hỽnnỽ yn ynys. prydein.
a|phann deuth y gỽanhỽyn yd aeth parth
a ffreinc. [ Ac ym·penn yspeit gỽedy hyn+
ny. kynnullaỽ llu maỽr a|ỽnaeth ulkas+
sar ac a|r llu hỽnnỽ kychỽyn parth a|fre+
inc a|rufein yn erbyn pompeius y|gỽr a
oed yn lle amheraỽdyr yn|yr amser hỽn ̷+
nỽ. ac yn daly yn|y erbyn ynteu. a|cha ̷ ̷+
ny pherthyn ar yn defnyd ni traethu
o ỽeithredoed gỽyr ruuein. yny bo ebry ̷ ̷+
uygedic y|rei hynny. yd ymhoelun ar
yn traethaỽt nu|hunein. ac ym·penn y
seith mlyned gỽedy mynet ulkassar o. ynys.
.prydein. y|bu uarỽ casỽallawn. uab beli. ac y|cla ̷+
| « p 105 | p 107 » |