Breudwd Welsh Prose 1300-1425
Cymraeg

NLW MS. Peniarth 45 – page 35

Brut y Brenhinoedd

35

wedut ar thauaỽt leueryd pa ueint y carei hi ef
a chredu a wnaeth ef y hynny. Ac adaỽ y rodi hith+
eu yr gỽr a dewissei a thrayan y gyuoeth genti.
Ac yna y gelwis ef y uerch ieuhaf idaỽ attaỽ a
gouyn idi pa ueint y carei hi ef. y dywaỽt hithe+
u yr caru ef eiroet megys y dylyei uerch caru
y that ac nat ydoed etwa yn peidaỽ ar cary+
at hỽnnỽ ac erchi idaỽ warandaỽ pa ueint oed
hynny. yn|y ueint y bei y gyuoeth a|e iechyt a|e
deỽred. A blyghau a wnaeth ynteu yn uaỽr a
dywedut ỽrthi Canys kymeint y tremygassei
hi ef ac na charei hi ef yn gymeint a|e chwior+
yd. y diuarnei ynteu hihi o nep ryỽ ran o|r y+
nys ygyt ac wynteu. Ny dywaỽt ynteu na|s
rodi* hi y ỽr ny hanffei o|r ynys o|r damweinei yr
kyuryỽ hỽnnỽ y herchi heb argyureu genti h+
yn heuyt a gadarnhaei hyt na lauuryei y geis+
saỽ gỽr idi megys yr lleill Canys mỽy y caryssei
ef hihi no|r lleill. A hitheu yn|y tremygu ef yn uỽ+
y noc wynteu ac heb ohir y rodes ef y dỽy uerch+
et hynaf y tywyssogyon o|r alban a chernyỽ a|han+
er y gyuoeth gantunt tra uei ef ac gỽedy bei
uarỽ ynteu y kyuoeth udunt yn gỽbyl yn deu
hanner. Ac yna eissoes y kigleu aganipus urenhin
freinc Clot a thegỽch y uorỽyn ac anuon a wna+