Breudwd Welsh Prose 1300-1425
Cymraeg

NLW MS. Peniarth 45 – page 278

Brut y Brenhinoedd

278

gỽedy yr dyuot. Ac yna y dywaỽt Catwallaỽn.
Achos y uot yn claf. Nac ef arglỽyd heb ef
namyn anuon a wnaeth ef hyt yn germa+
nia y wahaỽd saesson attaỽ. y keissaỽ dial
Oswallt y uraỽt arnam ni a|thi. A dywedut
a wnaeth y uot yn torri tang·neued ynys.
prydein. y uot yn dihol y deu nyeint aluryt ac
Odwalt. Ac erchi canyat a oruc peanda yỽ
lad neu y dihol o teyrnas ynys prydein. ~
AC gỽedy galỽ o Catwallaỽn. y gynghor at+
taỽ am hynny. y rodes Maredud urenin.
dyfet y kynghor hỽnn. Arglỽyd urenin. heb ef.
Canys kenedyl saesson oll. a derpereist eu di+
hol yn llỽyr o ynys prydein. Pa ham y trosseist
dy uedỽl y ar hynny. A dyro canyat y pean+
da y ryuelu megys y bo teruysc rỽng y saesson
e|hunein. Cany dylyir Cadỽ fyd ỽrth y neb
ny|s catwo. Ac atuyd y llad pob rei o·nadunt
y gilyd. Ac y·uelly y  dileir yr ynys o+
AC y rodes Catwallaỽn. canyat. [ nadunt.
y ryuelu o peanda ar Oswi. A chychwyn
a wnaeth peanda a|llu maỽr gantaỽ trỽy hu+
myr ar torr Oswi. Ac anreithaỽ y wlat a|e llos+
gi. A chynnic a|wnaeth Oswi llawer o eur
ac aryant a|thlysseu y peanda yr peidaỽ a|ryuel.