Breudwd Welsh Prose 1300-1425
Cymraeg

NLW MS. Peniarth 38 – page 29v

Llyfr Blegywryd

29v

randaỽ yn llỽyr. kadỽ yn gofaỽdyr. dyscu yn
graff. datganu yn ỽar. barnu yn trugaraỽc.
Vnỽeith pop blỽydyn y keiff y brenhin luyd
y orỽlat y·gyt ac ef. byth hagen y lluydir pan
vo reit gyt ac ef yn|y ỽlat e|hunan. Gan y tay+
ogeu y keiff y brenhin pynueirch yn|y luyd.
ac o pop tayaỽctref y keiff gỽr a march. a bỽ+
ell y|ỽneuthur y gestyll. ac ar treul y brenhin
y bydant. N·aỽ|tei a|dyly y bilaeneit y gỽneu+
thur y|r brenhin. neuad. ystafell. kegin. kapel.
yscubaỽr. odynty. ystabyl. kynor·ty. peiryant.
K·ylch a geiff meirch y brenhin a|r vrenhi+
nes a|r sỽydogyon y gayaf ar y tayogeu y brenhin
Kerdoryon gỽlat arall a|gaffant gylch ar
y bileineit tra vont yn arhos eu rodyon y gan
y brenhin os dyry. B·eth bynhac a|dangosso y
dofrethỽyr y|r tayogeu y|delhont y eu tei; ỽy+
nt a|e talant o|r collir. eithyr cledyfeu. a|chyllyll
a llodreu. eu meirch ỽynteu heuyt o|r collir y
nos; ỽynt a|e talant. Y neb a|dyỽetto geir